بەپێی هەواڵێك كە لە میدیایەكی عەرەبی بڵاوبووەتەوە، كوشتنی پێنج چەكدارەكەی حەشدی شەعبی لە پارێزگای كەركووك لەلایەن ئەمریكییەكانەوە، كێشەی بۆ محەمەد شیاع سوودانی، سەرۆك وەزیرانی عێراق دروست كردووە، چونكە ئەمریكا رایگەیاندووە كە حكوومەتی عێراق ئاگەداری هێرشەكە بووە.
ماڵپەڕی (عەرەبی جەدید) لە راپۆرتێكدا ئاماژەی بەوە داوە كە هێرشەكانی ئەم دواییانەی میلیشیاكانی حەشدی شەعبی بۆ سەر ئەمریكییەكان لە عێراق و سووریا، كێشەی خستبووە نێوان سوودانی و میلیشیاكانی حەشدی شەعبی، بەڵام دوای ئەوەی ئێلینا رۆمانسكی، بالیۆزی ئەمریكا لە بەغدا لەبارەی كردنە ئامانجی چەكدارەكانی حەشدی شەعبی لە كەركووك، رایگەیاند كە حكوومەتی عێراقی ئاگەداری هێرشەكەی ئەمریكییەكان بووە، بۆیە نێوانی سوودانی و حەشدی شەعبی بە تەواوی خراپ بووە.
شایەنی باسە رۆمانسكی گوتبووی: هێزەكانی ئەمریكا بۆ بەرگریكردن لە خۆیان، پێنج چەكدارەكەی حەشدیان لە كەركووك كوشتووە و حكوومەتی عێراقیش ئاگەدار بووە.
بەڵام تا ئێستا حكوومەتی عێراق و هاوپەیمانیی چوارچێوەی هاوئاهەنگیی شیعییش كە پێكهێنەری سەرەكیی حكوومەتەكەن، هیچ ڕوونكردنەوەیەكیان لەمبارەیەوە رانەگەیاندووە.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه