ڕاوێژكارێكی سەرۆك وەزیرانی عێراق ئاشكرای دەكات، لایەنە نێودەوڵەتییەكان داوای هەڵوەشاندنەوەی حەشدی شەعبییان كردووە و لەوبارەیەشەوە داواكاریی ڕاشكاویان ئاراستەی عێراق كردووە.
ئەمڕۆ چوارشەم 18ـی كانوونی یەكەم، ئیبراهیم سومەیدەعی ڕاوێژكاری محەمەد شیاع سوودانی سەرۆك وەزیرانی عێراق، لەبارەی دواین سەردانی بەرپرسانی وڵاتانی بیانی بۆ عێراق گوتی، گوشارە نێودەوڵەتییەكان لەسەر حكوومەتی عێراق لە زیادبووندان بۆ چەككردنی میلیشیاكان.
روونی كردەوە، بە ڕوون و ڕاشكاوی داوای چەككردنی گرووپە چەكدارەكانمان لێ كراوە، ئەویش وەك هەوڵێك بۆ سەقامگیركردنی عێراق و پاراستنی سەروەرییەكەی.
بە گوتەی ئەو بەرپرسەی عێراق، حەشدی شەعبی دامەزراوەیەكی بەهێزی فەرمییە، بەڵام هەندێك گرووپ چوونەتە ژێر چەتری حەشدەوە و ئەوەش گومانی لای ئەمەریكا و ڕۆژئاوا دروست كردووە، بۆیە داوای هەڵوەشاندنەوەی حەشدی شەعبی و دەوڵەتی هاوتەریب دەكەن.
ڕاوێژكارەكەی سوودانی ڕاشی گەیاند، دەكرێت بە بڕیارێكی سیاسی كۆتایی بەو حاڵەتە بهێنرێت و پێمان وایە بەمنزیكانە دووانەی دەوڵەت و مقاوەمەت كۆتایی دێت.
وەڵام بدەوه