سەرۆك وەزیرانی عێراق ئەمڕۆ هەینی لە لێدوانێكی تەلەفزیۆنیدا مەترسییەكی گەورەی لەسەر وڵاتەكەی ئاشكرا كرد.
محەمەد شیاع سوودانی سەرۆك وەزیرانی عێراق گوتی: هەر هەڵەیەك لە كەمپ و گرتووخانەكانی سووریا دروست ببێت، راستەوخۆ مەترسییەكی گەورە لەسەر عێراق لە ڕووی رووبەڕووبوونەوەی تیرۆر دروست دەكات.
گوتیشی: دیدگای خۆمان بە حكوومەتی نوێی سووریا سەبارەت بە دۆخی ئێستای وڵاتەكە گەیاندووە و ئامادەین هەماهەنگییەكی تۆكمە دروست بكەین بۆ پاراستنی سنوورەكانمان.
هەروەها گوتی: بەشار ئەسەد سەرۆكی پێشووی سووریا پێش رووخانی دیمەشق بەهیچ شێوەیەك داوای هاوكاری و دەستوەردانی سەربازی لە عێراق نەكردبوو.
ئەم لێدوانەی محەمەد شیاع سوودانی لەكاتێكدایە كە دوێنێ پێنجشەممە شاندێكی باڵای ئەمنی عێراق بە سەرۆكایەتی حەمید شەتری سەرۆكی دەزگای هەواڵگری عێراق سەردانی سووریای كرد و لە دیمەشق لەگەڵ ئەحمەد شەرع فەرماندەی گشتیی دەستەی تەحریری شام و بەرپرسانی حكوومەتی نوێی ئەو وڵاتە كۆبووەوە.
یەكێك لە مەترسیدارترین شوێنەكانی سووریا و جیهان كەمپی هۆڵە كە لە دوای كۆتاهاتنی دەسەڵاتی داعش دروستكراوە، بەشێوەیەكی گشتی لەنێو كەمپەكەدا نزیكەی 75 هەزار ژن و منداڵی چەكدارانی داعش هەن، زانیارییەكان دەری دەخەن كە كەمپەكە بووەتە سەربازگەیەكی نهێنیی داعش و چەندان گرووپی چەكداری و ڕێنوێنیكاری تێدا دروست بووە
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه