پارێزگای ئه‌نباڕ به فه‌رمی سبه‌ی كرده پشوو له سه‌رجه‌م فه‌رماگه و داموده‌زگاكانی حكوومه‌ت به‌هۆی زۆری بارانبارین و ئه‌گه‌ری دروستبوونی لافاو.
پارێزگای ئه‌نبار ڕایگه‌یاند: سبه‌ی دووشه‌م له سه‌رجه‌م فه‌رمانگه و قوتابخانه و ناوه‌نده‌كانی خوێندن له پارێزگای ئه‌نبار و سه‌رجه‌م شار و شارۆچكه‌كان كرایه پشوو به‌هۆی بارانبارین و ئه‌گه‌ری دروستبوونی لافاو و خراپی كه‌شوهه‌واوه.
ئه‌مه له‌كاتێكدایه كه سه‌رله‌ئێواره‌ی ئه‌مڕۆ یه‌كشه‌م پارێزگای دیوانییه‌ش به‌هۆی بارانبارین و دروستبوونی لافاو و خراپی كه‌شوهه‌وا پشووی بۆ سبه‌ی دووشه‌م ڕاگه‌یاندبوو.
له دوای نیوه‌ڕۆی ئه‌مڕۆ یه‌كشه‌مه‌وه بارانێكی زۆر و به‌خوڕ له به‌شێك له پارێزگاكانی عێراق به‌تایبه‌تیش له پارێزگاكانی ناوه‌ڕاست باریوه و به‌هۆیه‌وه گردبوونه‌وه‌ی ئاو و لافاو له هه‌ندێ گه‌ڕه‌ك و شه‌قام و كۆڵانه‌كان دروست بووه.
وەڵام بدەوه