پارێزگارێ دهۆكێ وشانده‌كێ ئه‌نجومه‌نێ بازرگانى ئه‌مریكى - كوردستان په‌یوه‌ندیێن دوو قولى گه‌نگه‌شه‌كرن

ئه‌ڤرۆ  سپێدێ رۆژا چارشه‌مبى  9/ 3/2022 ل كوچكا مێهڤانداریا د.عه‌لى ته‌ته‌ر پارێزگارێ دهۆكێ پێشوازیا  شانده‌كێ ئه‌نجومه‌نێ بازرگانى ئه‌مریكى – كوردستان كو پێك هاتبو ژنونه‌رێن چه‌ند  كومپانى ورێكخراوێن ئه‌مریكى  ب سه‌روكاتیا (مستر دیڤیت) كر.
دهه‌ڤدیتنه‌كێدا ب ئاماده‌بونا چه‌ند رێڤه‌به‌رێن فه‌رمانگه‌هێن میرى وسه‌روكێ ژورا بازرگانیا دهۆكێ وچه‌ند بازرگانێن ده‌ڤه‌رێ  به‌حسێ په‌یوه‌ندیێن  سیاسى وئابورى وبازرگانى دناڤه‌به‌را هه‌رێما كوردستانێ وئه‌مریكا  هاته‌ كرن.
دته‌وه‌ركێ دن دا به‌حسێ ره‌وشا ئاواره‌ وپه‌نابه‌ران و كومپانیێن ئه‌مریكى ئه‌وێن ل ده‌ڤه‌رێ كاردكه‌ن نه‌خاسمه‌ دبیاڤێ به‌رهه‌مئینانێ دا هاته‌ كرن.
پارێزگارێ دهۆكێ خوشحالیا خو ب سه‌ره‌دانێ دیاركر وپه‌سنا په‌یوه‌ندیێن دوستانه‌  دناڤبه‌را كوردستانێ وئه‌مریكا دا كر و سوپاسیا حكومه‌تا ئه‌مریكا  كر ل دور ئه‌و پشته‌ڤانیا بو پاراستنا  خه‌لكێ هه‌رێمێ كرى   هه‌ر ژسالا 1991ول شه‌رێ داعش وهه‌تا نوكه‌ وهیڤى خاستن ئه‌و په‌یوه‌ندى دبه‌رده‌وامبن وپتر پێشبكه‌ڤن  وكومپانیێن ئه‌مریكى پتر به‌رهه‌مئینانێ ل هه‌رێمێ وپارێزگه‌هێ بكه‌ن.
سه‌روكێ شاندى خوشحالیا خو ب هه‌بونا په‌یوه‌ندیێن ب هێز دناڤبه‌را ئه‌مریكا وهه‌رێما كوردستانێ دیاركر وته‌كه‌ز كر كو كار وپرۆژێن كومپانیێن ئه‌مریكى ل ده‌ڤه‌رێ دێ به‌رده‌وامبن ودێ دگه‌ل كومپانیێن دن ژى هه‌ولده‌ن كو قه‌ستا  كوردستانێ بكه‌ن وكارێن بازرگانى و وه‌به‌رهێنانێ ل ده‌ڤه‌رێ ئه‌نجامده‌ن.
پاش نونه‌رێ هه‌ر كومپانییه‌كێ خزمه‌تكاریێن كومپانیێن خو به‌رچاڤكرن وبه‌رهه‌ڤیا خو دیاركر كو پشته‌ڤانیا  هه‌رێمێ بكه‌ن وهه‌ر ڤاڵا تییه‌كا هه‌بیت پر بكه‌ن.