شەپۆلێکی خۆڵبارین بەڕێوەیە

ئه‌مڕۆ هه‌ینی، ئاراس جه‌بار، شاره‌زای كه‌شناسی، ڕایگه‌یاند، لە رۆژی دووشەممە 16/10/2023ی ناوڕاستی ئەم ھەفتەیە ھەرێمی کوردستان و ناوچەکانی عێراق دەکەوێتە ژێر کاریگەری نزمەپاڵەپەستۆیەکی دەریای ناوەڕاست کە بارستە ھەوایەکی فێنک و کەمێک بارانیشی لەگەڵ دەبێت بۆ سەر ناوچە شاخاویەکان ھاوکات بەھۆی کاریگەری ئەو بارستە ھەوایە و زیادبوونی خێرای با لە ناوچەکانی رۆژئاوای عێراقەوە ئەگەری دروستبوونی شەپۆلێکی خۆڵبارین دەبێت بەئاراستەی ناوەراستی عێراق و ناوچەکانی ھەرێمی کوردستانیشەوە زیاتریش ناوچەکانی باشوری ھەرێمی كوردستان تا رۆژی سێشەممە دەخایەنێت.
ئه‌وه‌شی خسته‌ روو، پلەکانی گەرماش لە رۆژانی دووشەممە و سێشەممە بەراورد بە ئەمڕۆ و دوو رۆژی داھاتوو بەنزیکەی 4 بۆ 6 پلە نزمبوونەوەیەکی بەرچاو بەخۆیەوە دەبینێت لەسەرجەم ناوچەکاندا کەش فێنکتر دەبێت.