لە هەولێر ڕۆژەیەکی گرنگ جێبەجێ دەکرێت

بەگوژمەی زیاتر لە دوو ملیار دینار، لەسەر بودجەی پارێزگای هەولێر پڕۆژەی ڕێکخستنەوە و خاوێنکردنەوە و فراوانکردن و کۆنکرێتکردنی کۆڕنیش، جێبەجێ دەکرێت.
ئەمڕۆ شەممە 21/8/2023، راگەیاندنی پارێزگای هەولێر بڵاوی کردووەتەوە: "لە چوارچێوەی گەیاندنی پڕۆژە خزمەتگوزارییەکان و دەستی ئاوەدانی و خزمەتکردنی زیاتر هاووڵاتییان و لە پێناو کەمکردنەوەى مەترسی ڕوودان و ڕێگەگرتن لە دروستبوونى لافاو و ئامادەکارى بۆ ڕووبەڕووبوونەوەى هەر ئەگەرێکى نەخوازراو بە هۆى گۆڕانى کەشوهەوا، بەگوژمەی دوو ملیار و 59 ملیۆن و 900 هەزار دینار لەسەر بودجەی پارێزگای هەولێر پڕۆژەی ڕێکخستنەوە و خاوێنکردنەوە و فراوانکردن و کۆنکرێتکردنی کۆڕنیش، جێبەجێ دەکرێت."
ئەوەش خراوەتە روو کە پڕۆژەکە بەشێوەی بەڵێندەرایەتیی و بەسەرپەرشتی بەڕێوەبەرایەتیی ئاودێریی هەولێر، جێبەجێ دەکرێت کە لە سەرەتای شەقامی کەسنەزانەوە دەبێت و ماوەی تەواوکردنی پڕۆژەکەش 150 ڕۆژە.