بەیانی ئەمڕۆ یەكشەممە 2023/11/12 نێچیرڤان بارزانی، سەرۆكی هەرێمی كوردستان، پێشوازی لە حسێن عەلی ساڵح ئەلفەزالە یەكەم كونسولی گشتیی قەتەر لە هەرێمی كوردستان كرد كە دوای كردەوەنەوەی كونسولخانەی گشتیی قەتەر لە هەولێر، دەستبەكار بوو.
لە دیدارێكدا نێچیرڤان بارزانی وێڕای پیرۆزبایی بۆ دەستبەكاربوونی ئەلفەزالە، هەموو هاوكاری و پشتگیرییەكی لایەنە پەیوەندیدارەكانی هەرێمی كوردستانی بۆ سەرخستنی ئەركەكەی و ئامادەییی هەرێمی كوردستانی بۆ برەودانی زیاتر بە پەیوەندییەكانی لەگەڵ قەتەر دووپات كردەوە.
لای خۆیەوە كونسولی گشتیی قەتەر سڵاو و ڕێزی میری قەتەری بە سەرۆكی هەرێمی كوردستان گەیاند و خۆشحاڵیی خۆی بە كردنەوەی كونسولخانەی وڵاتەكەی لە هەرێمی كوردستان و دەستبەكاربوونی دەربڕی. هەروەها جەختی لەوە كردەوە هەموو هەوڵێك دەدات بۆ ئەوەی پەیوندییەكانی وڵاتەكەی لەگەڵ هەرێمی كوردستان، بەتایبەتی لە بواری ئابووریدا، بەرەوپێش ببات.
دوایین پێشهاتەكانی دۆخی ناوچەكە بەگشتی و چەند پرسێكی جێی بایەخی هاوبەش، تەوەرێكی دیكەی دیدارەكە بوو.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه