لە هەولێرى پایتەخت پیشانگایەکى بەربووم و بەرهەمی خۆماڵی کرایەوە

لە چوارچێوەى گرنگیدانى كابینەی نۆیەمی حكومەتی هەرێمی کوردستان بە سێكتەری كشتوكاڵ و پەرەپێدان بە بەروبوومی ناوخۆیی بۆ دابینکردنی پێداویستییەکانی ناوخۆیی و هەناردەکردن و هاندانی جوتیاران، ئەمڕۆ پێنجشەممە 2023.11.23، لە ژێرچاودێرى ئومێد خۆشناو، پارێزگارى هەولێر،لە بەردەم پارکى شانەدەر لە هەولێرى پایتەخت پیشانگایەکى  بەربووم و بەرهەمی خۆماڵی کرایەوە و 3 ڕۆژ بەردەوام دەبێت.
دواى کردنەوەى پیشانگاکە و بەسەر کردنەوەى بەشەکانى، پارێزگارى هەولێر دەستخۆشى لە سەرپەرشتیاران و بەشداربووانى پیشانگاکە کرد و هیواى سەرکەوتنى بۆ خواستنن.
جێگەى باسە، گرنگیی کردنەوەى ئەم پیشانگایانە لەوەدایە کە لە شوێنی گشتی و دەکرێنەوە و زۆربەی هاوڵاتیان و گەشتیاران سەردانی دەکەن، ئەوەش دەبێتە هۆی ئەوەی زیاتر ئاشنابن بە بەروبوومی خۆماڵیی کوردستان