سەرۆک بارزانی پارێزگاری داهاتووی کەرکووک و موسڵ یەکلایی دەکاتەوە

نوێنەری حكومەتی هەرێم لە مادەی 140: سەرۆک مەسعود بارزانی پارێزگاری كه‌ركووك و نه‌ینه‌وا یه‌كلا ده‌كاته‌وه‌
دژوار فایه‌ق، نوێنه‌ری حكوومه‌تی هه‌رێمی كوردستان له‌ لیژنه‌ی مادده‌ی 140 بۆ ماڵپەری پارتی رایگەیاندووە، دڵنیابن پارتی هاوكێشه‌ی ئه‌و ناوچانه‌ ده‌گۆڕێت و پۆستی پارێزگاری كه‌ركووك و نه‌ینه‌وا ده‌بێت به‌ ڕه‌زامه‌ندی سه‌رۆك بارزانی یه‌كلا ببێته‌وه‌ و پارتی قسه‌ی خۆی ده‌بێت له‌ سنووری مادده‌ی 140، پارتی ئه‌م جاره‌ به‌هێزه‌وه‌ گه‌ڕاوه‌ته‌وه‌ و چاوه‌ڕوانی ده‌نگێكی فراوان و ئاستێكی باش ده‌كرێت، داواكارین هەموو خه‌ڵك كارته‌كان وه‌ربگرنه‌وه‌ و ده‌نگ بده‌ن به‌ لیستی پارتی.
له‌ ئه‌گه‌ری زۆرینه‌ی لیستی پارتی له‌ ئه‌نجوومه‌نی پارێزگای كه‌ركووك و نه‌ینه‌وا ده‌ست ده‌كه‌ین به‌ گفتوگۆ له‌گه‌ڵ لیسته‌كانی دیكه‌ بۆ دانانی پارێزگار و پارتی ئێستا خه‌ریکی ئه‌و نه‌خشه‌ ڕێگایه‌یه‌ كه‌ چۆن دوای هه‌ڵبژاردن هه‌ردوو پۆسته‌كه‌ یه‌كلا بكه‌ینه‌وه‌، گه‌شبینین به‌وه‌ی پارتی ببێته‌ هێزی یه‌كه‌م له‌سەر ئاستی هه‌ردوو پارێزگا كه‌ركووك و نه‌ینه‌وا.