کەشناسی هەرێم بڵاویکردەوە، درەنگانی ئەمشەو بارانبارین لە هەولێر و ناوچە شاخاوییەکانی و ناوچەکانی راپەڕین و سلێمانی لەگەڵ گەرمیان و هەڵەبجە و کەرکووک دەسپێدەکات.
ئەمڕۆ سێشەممە، بەڕێوەبەرایەتی گشتی کەشناسی و بومەلەرزەزانی هەرێم لە راگەیەندراوێکدا بڵاویکردەوە، لە ماوەی ١٢ کاتژمێری رابردوودا زۆرترین رێژەی باران لەناوچەی ئامێدی باریووە بە رێژەی ٤.٢ ملیمەتر و ناوچەی بارزانیش کەمترین بارانی تێدا باریووە بە رێژەی ٠.٢ ملیمەتر.
ئاماژەی بەوەش کردووە، ئەمڕۆ بارانبارین لە دهۆک و ناوچە شاخاوییەکان بەردەوام بوو و پێشبینیش دەکرێت درەنگانی ئەمشەو بارانبارین لە ناوچەکانی هەولێر و راپەڕین و سلێمانی لەگەڵ بەشێک لە ناوچەکانی گەرمیان و هەڵەبجە و کەرکووک دەسپێبکات.
ئەوەشی خستووەتە روو، سبەی چوارشەممە، ئاسمان هەوری تەواو دەبێت و لە سەرجەم ناوچەکانی هەرێم باران دەبارێت و لە ناوچە شاخاوییە بەرزەکان و سنوورییەکان بەفر دەبارێت.
وەڵام بدەوه