کۆمپانیەکی جیھانی دەبێتە ئەندامی کۆمەلەی نەوتی کوردستان

کۆمەڵەی پیشەسازیی نەوتی کوردستان رایگەیاند، کالێگران بی ڤی کۆمپانیایەکی نەوتی هەنگارییە و لقێکی کۆمپانیای مۆڵ گرووپە دەبێتە هەشتەمین کۆمپانیای نەوتی نێودەوڵەتیی ئەندام لە کۆمەڵەی پیشەسازیی نەوتی کوردستان.
مایڵز کایگینز، گوتەبێژی ئەپیکۆر رایگەیاند: بە ئەندامبوونی کالێگران بی ڤی لەگەڵ ئەندامەکانی دیکەماندا ئەپیکۆر لە پیشەسازیی نەوتدا بەهێزتر دەبێت، کالێگران بی ڤی هاوشێوەی ئەندامەکانی دیکەمان تایبەتە بە پێشخستنی بەرهەمهێنانی نەوت و هەناردەکردنی لە بەرژەوەندیی لایەنە پەیوەندیدارەکان، کارمەندان و ئابووریی گشتیی عێراق.
کالێگران بی ڤی لە ساڵی 2007ـەوە بەشداری لە کەرتی نەوتیی هەرێمی کوردستان کردووە و 20% هاوبەشە لە کێڵگەی شایکان و گەڵف کی ستۆن پێترۆلیوم.
مایڵز کایگینز، گوتەبێژی ئەپیکۆر دەڵێت: ئێستا ئەندامانی ئەپیکۆر %50ـی سەرجەم نەوتی هەرێمی کوردستان بەرهەمدەهێنن. 
گوتەبێژی ئەپیکۆر ئاماژەی بەوەشکردووە کە ئەندامانی ئەپیکۆر، هانی هەموو لایەنەکان دەدەن بۆ گەیشتن بە بڕیارێکی بازرگانی کە مافەکانیان بپارێزێت و وەبەرهێنان لە عێراق و هەرێمی کوردستان باشتر بکرێت.