شەپۆلێكی بەفر و بارانی سەخت بەرێوەیە
كەشناسێك رای دەگەیەنێت، شەپۆلێكی بەفر و بارانی سەخت بەرێوەیە، لە ساڵی نوێ دەست پێ دەكات و زۆربەی گوند و شارەكان دەگرێتەوە؟.
ئەمڕۆ سێشەم 26ـی كانوونی یەكەم، شاڵاو هیدایەت كەشناس بڵاوی كردووەتەوە، بەفر بارین و سەرما وسۆڵەی توند بۆ ناو وەرزی زستان هەیە ئەوەیش بەپێی راپۆرتی دەزگای كەشناسی ئەوروپی نوێترین پێشبینی خۆی بۆ بەفر و سەرماو سۆڵەی توند بۆ ناو وەرزی زستان ڕاگەیاندووە.
باسی لەوەش كردووە، بەپێی پێشبینییەكانی ئەم دەزگایە بەفر و سەرماو سۆڵەی زۆر تەواوی ناوچە شاخاوییەكانی هەرێم دەگرێتەوە بەتەواوی سەنتەرەكانییەوە هەیە، هاوكات بەفر تەواوی ناوچەی نیمچە شاخاوی و سەنتەرەكانیان دەگرێتەوە بەڕێژەی باش بۆ زۆر باش وەك سنووری پارێزگای هەولێر و گوندەكانیانەوە پارێزگای دهۆك گوندەكانیەوە پارێزگای سلێمانی بە گوندەكانیەوە پارێزگای هەڵەبجە بە گوندەكانیەوە.
ئاشكرای كردووە، جگە لەوەی بەفر كە تەواوی ناوچەی شاخاوی و نیمچە شاخاوییەكان دەگرێتەوە بەسەنتەرەكانیشیانەوە بەفر ئەگەری زۆرە بگات بە سەنتەری كەركووك ناوچەكانی گەرمیان و دەشتایەكانی هەولێر و هەروەها بەفر دادەبەزێتە سەنتەری مووسڵیش.
روونی كردووەتەوە، ئەم دۆخەی بەفر و سەرماوسۆڵە توندە بەفراوانە لەمانگەكانی داهاتوو 1 و 2 دا لەئارادایە لەپێش هاتن و كاتی نزیك بوونەوەی ئەم بارودۆخە زانیاری تەواومان دەبێت.
وەڵام بدەوه