کەشی ڕۆژانی داهاتوو

ئاراس جەبار شارەزای بواری کەشناسی پێشبینییەکانی کەشی بۆ ڕۆژانی داهاتوو بڵاوکردەوە و ڕایگەیاند:
لەئەنجامی بەردەوامی کاریگەری بەرزەپاڵەپەستۆی باکور  کەشێکی سەقامگیر و بەرزبوونەوەی پلەکانی گەرما لە ناوچەکانمان بەردەوامی ھەیە و شەپۆلێکی بەھێزی بارانبارین و تەرزەش ناوچەکانی باکوری سعودیە گرتەوە کە تا رۆژانی داھاتووش لەو ناوچانەدا بەردەوامی ئەبێت ، بەگشتی تا رێکەوتی 3 ی مانگی داھاتووی 2024 کەش بەم شێوەیە لەھەرێمی کوردستان جێگیرەبێت و پلەکانی گەرماش بەبەرزی ئەمێنیتەوە لە 3ی مانگەوە کەمێک نزمبوونەوە بەسەر پلەکانی گەرمادا دێتەوە لەئەنجامی کاریگەری نزمەپاڵەپەستۆیەکی دەریای ناوەراست بۆ سەر دەریای سوور و ناوچەکانی باکوری سعودیە و باشوری عێراق و جارێکی دیکە لەو ناوچانەدا باران دەستپێدەکاتەوە بەڵام پێشبینی ناکرێت کاریگەری لەسەر ھەرێمی کوردستان و باکوری ناوچەکە باش بێت بۆیە ئەم شەپۆلەش لەسەر ناوچەکانمان تەنھا بەھەوری بێباران یان نمە باران کاریگەری ئەبێت و لاواز ئەبێت .
 ئەگەر گۆڕانکاری ڕوونەدات و ماوەی وشکی زیاتر درێژ نەبێتەوە لە دوای 8ی مانگی داھاتوو ماوەی تەری و شەپۆلەکانی بارانبارین بەڕووی ناوچەکانمان دەستپێدەکاتەوە ...الله اعلم..