پەیامێك بۆ سەرجەم بازرگانانی هەرێمی کوردستان
هەموو لایەك دەزانن کە لە شەوی 15/16ی ئەم مانگە لە لایەن کۆماری ئیسلامی ئێران بەمووشەك هێرشێکی ناڕەوا کرایە سەر شاری هەولێر بە ئاڕاستە بۆ شوێنی نیشتەجێی مەدەنی و ماڵی خوا لێخۆشبوو پێشڕەو مەجید ئاغا دزەیی کرایە ئامانج کە سەرمایەدارێکی ناودار و دیاری شاری هەولێرە و ئەندامێکی کارای ژوورەکەمانە بەداخەوە خۆی و منداڵێکی تەمەن یەك ساڵ و نیوی شەهید بوون و ئەندامانی تری خانەوادەکەی بریندار بوون.
لە راستیدا ئەوە یەکەمین جار نیە هەولێری پایتەختی هەرێمی کوردستان بە بیانووی جۆراوجۆر و بێ بنەما بە درۆن و مووشەك هێرشی دەکرێتە سەر بێ گوێ دانە یاسا و رێسا نێودەوڵەتی و پڕەنسیپی مافەکانی مرۆڤ و دەربڕینی ناڕەزایی و سکاڵاکان هێرشەکان بەردەوامیان هەیە مەبەست لەو هێرشانە تێکدانی ئارامی هەرێمی کوردستانە ئەگەرچی بازاڕێکی گرنگی ساغ کرنەوەی بەرهەمەکانیانە کە ڕۆژانە هاوردەی کوردستان و عێراق دەکرێن ..
ئەگەرچی پەیوەندیەکی ئابووری و کۆمەڵایەتی بەهێز لە نێوان کودستان و کۆماری ئیسلامی ئێراندا هەیە بەڵام بەردەوام بوونی ئەو هێرشانە ناچاری کردین کە چیتر بێدەگ نەبین بۆیە داوا لەسەرجەم بازرگانانی هەرێمی کوردستان و هاووڵاتان بەگشتی دەکەین بایکۆتی هێنان و بەکارهێنانی کاڵا ئێرانیەکان بکەن و پەیوەندیە ئابووری و بازرگانیەکان لە گەڵ ئێران هەڵپەسێرن.
ژووری بازرگانی و پیشەسازی هەولێر
19/1/2024
وەڵام بدەوه