كونسوڵخانه‌ی ئه‌مریكا له هه‌ولێر، له ڕاگه‌یاندراوێكدا، كه‌مبوونه‌وه‌ی پێشێلكاری به‌رامبه‌ر رۆژنامه‌نووسان ڕاده‌گه‌یه‌نێ و دووپاتی ده‌كاته‌وه ده‌ستگركردنیشان كه‌م بووه‌ته‌وه.
ئه‌مڕۆ چوارشه‌ممه 21/2/2024، كونسوڵخانه‌ی ئه‌مریكا له هه‌ولێر، ئاماژه‌ی به‌وه كردووه: ژمارەیەک لە ڕاپۆرتی ساڵانەی ناوەندە چاودێرەکانی ئازادیی ڕاگەیاندن لە هەرێمی کوردستان، نیشانیان دا کە پێشێلکارییەکانی ئازادیی ڕاگەیاندن بۆ ساڵی 2022 بۆ 2023 کەم بوونەتەوە و لە ناویشیاندا کەمبوونەوەی بەرچاوی دەستگیرکردنی ڕۆژنامەوانان. بینینی ئەم گۆڕانکارییە مایەی هاندانمانە و دەستخۆشی لە حکوومەتی هەرێمی کوردستان دەکەین لە هەوڵەکانی تا ئێستایان بۆ باشترکردنی ژینگەی میدیا و ڕاگەیاندن. بەڵام هێشتا ڕۆژنامەوانان و ناوەندە چاودێرەکان ڕاپۆرتی پێشێلکاریی لەسەر هەندێک لایەنی میدیایی بڵاو دەکەنەوە، لە ناویاندا دەستڕاگەیشتن بە زانیاریی گشتی و بەشداربوون لەو کۆنگرە ڕۆژنامەوانییانەی حکوومەت ڕێکیان دەخات. بۆ باشترکردنی توانای حکوومەتی هەرێمی کوردستان لە وەڵامدانەوەی پرسیاری بەجێی ڕاگەیاندنەکان لە کاتی خۆیدا، کار لەسەر ئەوە دەکەین وتەبێژەکانی ناوەندە جیاوازەکانی حکوومەتی هەرێمی کوردستان بنێرین بۆ ویلایەتە یەکگرتووەکانی ئەمریکا تا باشتر تێبگەن لەوەی نووسینگەکانی ڕاگەیاندن لە حکوومەتی خۆمان لە ئەمریکا چۆن کارەکانیان ئەنجام دەدەن.
وەڵام بدەوه