پارەی کارمەندانی کۆمسیۆن دێت و کاتەکەی ڕاگەیاندرا

بەرپرسێكی كۆمیسیۆنی باڵای سەربەخۆی هەڵبژاردنەكانی عێراق ئاماژە بەوەدەكات سەرجەم ئامادەكارییەكانی تایبەت بەخەرجكردنی پارەی كارمەندانی كۆمیسیۆن كە لە ڕۆژی هەڵبژاردن چاودێربوون تەواوبووە و هەفتەی داهاتوو پاداشتەكانیان دابەشدەكرێت.
نەبەرد عومەر، بەرپرسی دەستەی هەڵبژاردنەكانی هەرێمی كوردستان لە كۆمیسیۆنی باڵای سەربەخۆی هەڵبژاردنەكانی عێراق ڕایگەیاند: سەرجەم ئامادەكارییەكانی تایبەت بە دابەشكردنی پاداشتی كارمەندانی كۆمیسیۆن تەواوبوون، بڕیارە رۆژی یەكشەممەی داهاتوو ئەنجوومەنی كۆمسیاران واژوو لەسەر دابەشكردنی پاداشتە داراییەكانی كارمەندان بكات و هەر لە هەفتەی داهاتووش پارەكانیان خەرجدەكرێت.
ئاماژەی بەوەشكرد، خەرجكردنی پاداشتی چاودێرانی سەر سندوقەكان لەڕێگەی بانكەكانەوە دەبێت، بەجۆرێك هەر چاودێرێك كە كارمەندی حكومەتە بڕی 150 هەزار دیناری پێدەدرێت و ئەو كارمەندانەشی كە دەرچووی زانكۆ و پەیامانگاكانن و دانەمەزراون بڕی 250 هەزاردیناریان بۆ خەرجدەكرێت و كارمەندە یەدەگەكانیش بڕی 50 هەزار دیناریان پێدەدرێت.
وتەكانی ئەو بەرپرسەی كۆمیسیۆن لەكاتێكدایە كە لە 20/10/2024 پرۆسەی هەڵبژاردنی پەرلەمانی كوردستان بەڕێوەچوو، بۆ ئەومەبەستەش زیاتر لە 41 هەزار كارمەند بۆ بەڕێوەبردنی پڕۆسەی دەنگدان تۆماركران، كە فەرمانبەر و دەرچووانی زانكۆ و پەیمانگەكان بوون