بەرێوەبەرایەتی نەهێشتنی مادەهۆشبەرەكان بڵاوی كردووەتەوە، سێ كەس بە بڕێك مادەی هۆشبەر لە بازگەی دێگەڵە و سماقوڵی گیران.
ئەمڕۆ چوارشەم 18ـی كانوونی یەكەم، بەرێوەبەرایەتی گشتی نەهێشتنی مادەهۆشبەرەكان بڵاوی كردووەتەوە، سێ كەس بە بڕی دوو كیلۆ و نیو مادەی هۆشبەر گیران.
باس لەوەشكراوە، لە دوو چالاكی دا بەڕێوەبەرایەتی ئاساییشی بازگەكانی سەر بە بەڕێوەبەرایەتی گشتی ئاساییش لەبازگەی دێگەڵە و سماقولی توانییان بڕی دوو كیلۆ گرام و نیو مادەی هۆشبەر لەجۆرەكانی هیرۆین و حەبی كپتاگۆن و ماریجوانا دەستبەسەردا بگرن.
دەشڵێت، لەم دوو چالاكییەدا بە بەشداری تیمەكانی بەڕێوەبەرایەتی نەهێشتنی مادەهۆشبەرەكان توانرا سێ كەس بگرن، بەنیاز بوون ئەم بڕە مادەهۆشبەرانە لەشاری هەولێر و دهۆك بڵاو بكەنەوە و كڕین و فرۆشتنی پێوە بكەن.
ئاماژە بۆ ئەوەشكراوە، لە دادگا دۆسیەی تاوان بۆ هەرسێ تۆمەتبار كراوەتەوە و بەپێی یاسای بەرەنگاربوونەوەی مادەهۆشبەرەكان و كارتێكەرە ئەقڵیەكان ڕووبەڕووی یاسا دەكرێنەوە.
وەڵام بدەوه