بڕیارە بۆ مووچەی مانگی 12، مووچەی تەواوی مووچەخۆرانی سنووری پارێزگای هەولێر بخرێتە سەر هەژماری من و لە رێگەی ئامێرەكان مووچەكانیان وەربگرن.
ئەمڕۆ پێنجشەم 19ـی كانوونی یەكەم، تیمی هەژماری من رایگەیاند، بۆ فراوانكردنی هەژماری من، ئێستە لەگەڵ سێ بانكی نوێ لە گفتوگۆدان بۆ ئەوەی بێنە ناو پڕۆژەی هەژماری من و لە ساڵی داهاتووەوە پێوەندیی بە پڕۆژەكەوە دەكەن.
زیاتر گوتی، بەم هەنگاوەش كۆی بانكە بەشدارەكان لە پڕۆژەكەدا، دەبنە 11 بانك و پرۆسەی بە بانكیكردن خێراتر دەبێت.
بەپێی پلانی هەژماری من بۆ مووچەی مانگی 12 بەگوێرەی پلانی تیمی پڕۆژەی 'هەژماری من'، مووچەی مانگی 12ـی كۆی مووچەخۆرانی مەدەنی لە پارێزگای هەولێر كە ژمارەیان 230 هەزار مووچەخۆرە، دەخرێنە سەر هەژماری من و لەو ڕێگەیەوە مووچەكانیان وەردەگرن.
ژمارەی ئەو كەسانەی ئێستە لە هەژماری من مووچەكانیان وەردەگرن، بریتین لە 191 هەزار فەرمانبەر، بەمەیش كۆی مووچەی فەرمانبەرانی شارستانی لە سنووری هەولێر دەچێتە سەر هەژماری من.
وەڵام بدەوه