وەزارەتی پەروەردەی حكوومەتی هەرێمی كوردستان رای گەیاند، چەند جارێك داوای گواستنەوەی مامۆستایانی كەركووك بۆ سەر میلاكی عێراق كراوە، بەڵام ئەوان نایكەن.
ئەمڕۆ دووشەم 10ـی ئادار، سامان سیوەیلی گوتەبێژی وەزارەتی پەروەردە رای گەیاند، وەزارەتمان بەمەبەستی گواستنەوەی مامۆستایانی خوێندنی كوردی لە كەركووك و ناوچە كودستانییەكانی دەرەوەی ئیدارەی هەرێم، بۆ سەر میلاكی وەزارەتی پەروەردەی فیدراڵ، چەند جارێك سەردان و كۆبوونەوەیان ئەنجام داوە.
زیاتر گوتی، لەگەڵ وەزارەتی پەروەردە و دارایی عێراقی فیدراڵ كە داواكاری گواستنەوەی ئەو مامۆستایانەمان پێشكەش كردووە، پێداگر بووین كە مافی داراییان گرەنتی بكرێت و پرۆسەی گواستنەوەیان بۆ ئەنجام بدرێت.
باسی لەوەش كرد، شاندی حكوومەتی عێراقی فیدراڵ لە وەزارەتی پەروەردە و وەزارەتی دارایی پێیان راگەیاندین، رێگریی یاسایی هەیە، بۆیە بەگوێرەی مادەی 77ی یاسای بودجەی عێراقی فیدراڵ، ناتوانن ئەو كارە ئەنجام بدەن.
ئاماژەی بەوەش كرد، لەمبارەیەشەوە ئەم ڕێگرییە یاساییەیان لە كۆنووسدا واژوو كردووە و ئاراستەی سەرۆك وەزیرانی عێراقی فیدراڵ كراوە.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه