پەیامێکی گرنگ بۆ مووچەخۆران هات

ئەمڕۆ یەكشەممە 18/5/2025، پەیجی فەرمیی (هەژماری من)، ئاگادارییەكی بۆ مووچەخۆران بڵاو كردووەتەوە و تێیدا ئاماژە بەوە دراوە، لەپێناو پارێزگاریکردن لە خۆت و لە هەژمارە بانکییەکەت، تکایە لەبیرت نەچێت کە تەنانەت بانکەکەی خۆیشت کە کارتەکەیان پێ داویت، بۆیان نییە کۆمەڵێک زانیاری لەسەر هەژمارەکەت بزانن و هەرگیز داوای ناکەن، بۆیە ئەگەر بانکەکەی خۆت بۆی نییە کارێکی لەو جۆرە بکات، تکایە ئاگادار بە هیچ کام لەم زانیارییانەی خوارەوە لەگەڵ کەس هاوبەشی پێ ناکەیت:

1- ناوی هەژمارەکەت.
2- کۆدی PIN ‌(کۆدێکی چوار ژمارەییە کە تەنیا تۆ دەیزانیت).
3- ژمارەکانی بەشی پشتەوەی کارتە بانکییەکەت.
4- ژمارەی تێپەڕبوونی کاتی OTP (بە کورتەنامە بۆ ژمارەکەی خۆت دێت بۆ دڵنیابوونەوە لە کردارێک و پێویستە تەنها خۆت بیزانیت).