نوێنەری گشتیی مامۆستایانی گرێبەست رای دەگەیەنێت، هەفتەی داهاتوو مووچەی مانگی پێنجی مامۆستایانی گرێبەست دابەش دەكرێت دوای دابەشكردنی مووچەی وەزارەتەكان.
ئەمڕۆ پێنجشەم 24ـی تەمووز، كارۆخ عەبدوڵا نوێنەری گشتیی مامۆستایانی گرێبەست، رایگەیاند، دارایی پێی گوتین هەفتەی داهاتوو مووچەی مانگی پێنجی مامۆستایانی گرێبەست دابەش دەكرێت دوای دابەشكردنی مووچەی وەزارەتەكان.
دەشڵێت، دوای دابەشكردنی مووچەی وەزارەتەكان، مامۆستایانی گرێبەستیش مووچەكانیان وەردەگرن.
باسی لەوەش كرد، لە ماوەی ڕابردوودا چەندان جار دانیشتن و قسەیان لەگەڵ وەزارەتی دارایی و پەروەردە كردووە، بۆ ئەوەی مووچەی مامۆستایانی گرێبەست لەگەڵ وەزارەتی پەروەردە دابەش بكرێت، بەڵام تا ئێستە وەڵامێكی كۆتاییان لەسەر ئەم بابەتە وەرنەگرتووە.
ئاماژەی بەوەش كرد، هەموو هەوڵێكمان داوە مووچەی مامۆستایانی گرێبەست بخرێتە سەر بەغدا كە بڕەكەی دەگاتە نزیكەی 19ملیار دیناری مانگانە، بەكۆی ژمارەی مامۆستایانی گرێبەست كە 38 هەزار مامۆستا هەن لە كەرتی پەروەردە .
وەڵام بدەوه