حكوومەتی سووریا هێرشێكی درۆنیی كردە سەر كورد 

لە هێرشێكی درۆنیدا بۆ سەر خاڵێكی تەناهیی لە حەلەب، دوو ئەندامی ئاسایشی كورد لە گەڕەكەكانی شێخ مەقسوود و ئەشرەفیە بریندار بوون.

 هێزە تەناهییەكانی ناوخۆ (ئاسایش) لە گەڕەكەكانی شێخ مەقسوود و ئەشرەفیە ڕایان گەیاند، فڕۆكەیەكی بێ فڕۆكەوانی بۆمبڕێژكراوی حكوومەتی كاتیی سووریا، لە دەوروبەری شێخ مەقسووددا خاڵێكی تەناهیی ئاسایشی كردووەتە ئامانج.

بەپێی راگەیانراوەكەی ئاسایش،  لەو بۆردومانەدا دوو ئەندامی هێزەكانی ئاسایشی ناوخۆی گەرەكەكانی شێخ مەقسوود و ئەشرەفییە بریندار بوون.

 
ماوەی چەند رۆژێكە فڕۆكە بێ فڕۆكەوانەكانی هێزەكانی سەربە حكوومەتی سووریا، بەسەر گەڕەكە كوردییەكان و ئەو ناوچانەی هێزە كوردییەكانی تێدایە دەسووڕێنەوە، بەڵام ئەمە یەكەم هێرشە بۆ سەر هەردوو گەڕەكە كوردییەكەی حەلەب، لە دوای رێككەوتنی نێوان بەڕێوەبەرایەتیی خۆسەر و حكوومەتی سووریا لە نیسانی ڕابردوودا.
 
ئەمە لە كاتێكدایە شەوی ڕابردوو شاندێكی بەڕێوەبەرایەتیی خۆسەر بەسەرپەرشتی ئیلهام ئەحمەد، بۆ گفتوگۆكردن گەیشتنە دیمەشق.