وەڵامی میدیای یەکێتی دەدرێتەوە

په‌یامێك له‌ لقی 3ى پارتى بۆ میدیای فەرمی و سۆشیال میدیایی یەکێتی لەکەرکووک

لقی 3 پارتی دەیموکراتی کوردستان، ڕاگه‌یاندراوێك له‌باره‌ى ئه‌و هێرشه‌ میدیاییه‌ ناڕه‌وایه‌ی كه‌ چەند رۆژێکە میدیای فەرمی و سۆشیال میدیایی یەکێتی لەکەرکووک لە لایەن هەنێ بەرپرسی (نابەرپرس) هێرشێکی ناڕەواو دوور لە ئەتەکێتی کوردایەتی و حزبایەتی دەکەنە سەر پارتی دیموکراتی کوردستان و کاندیدی دەرچووی پارتی لەکەرکوک دکتۆر شاخەوان عه‌بدوڵا.

له‌ ڕاگه‌یاندراوه‌كه‌ى اقی 3ى پارتى دیموكراتى كوردستان هاتووه‌: "بەداخەوە ماوەی چەند رۆژێکە میدیای فەرمی و سۆشیال میدیایی یەکێتی لەکەرکوک لە لایەن هەنێ بەرپرسی نابەرپرس هێرشێکی ناڕەواو دوور لە ئەتەکێتی کوردایەتی و حزبایەتی دەکەنە سەر پارتی دیموکراتی کوردستان و کاندیدی دەرچووی پارتیمان لەکەرکوک دکتۆر شاخەوان عه‌بدوڵا ، هەروەها پارتی تۆمەتبار دەکەن بەوەی بوەتە هۆی لەدەستدانی کورسی شەشەمی کورد لە کەرکوک".

دووپات ده‌كرێته‌وه‌كه‌: "ئێمە لە لقی ٣ وێڕای ڕەتکردنەوەی سەرلەبەری ئەو تۆمەتانە ئەوە دووپات دەکەینەوە کە پارتی لەکەرکوک دەنگەکانی زیادی کردوە و ئەوەی وایکردوە کورسی کورد لەدەست بچیت زیادکردنی کورسییەکانی حزبی تەقدومە ئەویش بەهۆی ئەو هەموو دەسەڵاتەو پۆستەی پێیان دراوە لە ئیدارەی کەرکووک، ئێمە دەزانین بەشیک لە نیگەرانییەکانی بەرپرسانی یەکێتی لەکەرکووک بۆ ئەوە دەگەڕێتەوە نەیانتوانی هەوڵەکانیان بۆ سەرخستنی کاندیدی رەیان کلدانی ویرای پیدانی زیاتر لە حەوت هەزار دەنک هەروەها هۆکاری نەبوونی یەک لیستی کورد لە کەرکووک یەکیتی بوو، هیوادارین کۆتایی بەهێرشەکانیان بۆ سەر پارتی و کاندیدی سەرکەوتوومان لەکەرکووک بهێنن بەرەچاوگرتنی دۆخی هەستیاری کەرکووک کە ئەوە دەخوازێت کورد یەک دەنگ بێت لەم شارە ئەگینا لەوە زیاتر ناتوانیین بێدەنگ بین".