بڕیارە ئه‌مڕۆ كاتژمێر 4ی ئێواره‌ی ئاھەنگی دەرچوونی قوتابیانی زانکۆی سەڵاحەدین بەئامادەبوونی سەرۆکی حکوومەتی ھەرێمی کوردستان و بە بەشداری نزیکەی حەوت ھەزار قوتابی لە یاریگای شەهید فرەنسۆ هەریری بەڕێوەبچێت.
سامان عەبدوڵڵا، بەڕێوەبەری ڕاگەیاندنی زانکۆی سەڵاحەدین، بە ماڵپەڕی فەرمیی پارتی دیموکراتی کوردستانی ڕاگەیاند، بەسەرپەرشتی و ئامادەبوونی مەسروور بارزانی سەرۆکی حکوومەتی ھەرێمی کوردستان خولی ٤٤مین ئاھەنگی دەرچوونی قۆناغی کۆتایی بۆ ھەردوو خولی یەکەم و دووەم بۆ ساڵی دەرچوونی ٢٠٢٤ - ٢٠٢٥ی زانکۆی سەڵاحەدین بەڕێوەبچێت.
سامان عەبدوڵڵا گوتیشی، بڕیارە کاتژمێر ٤ی ئێوارە لە یاریگای شەھید فەڕەنسۆ ھەریری ئاھەنگەکە بەڕێوەبچێت، بە بەشداری ھەزار و٩٥٠ قوتابی خوێندنی باڵا و ٥ ھەزار و ٣٢ قوتابی بەکالۆریۆس بڕوانامەیان پێبدرێت.
جێگەی ئاماژە بۆکردنە زانکۆی سەڵاحەدین لە ھەولێری پایتەخت لە ١٧ کۆلیژ و ٩٠ بەشی ئەکادیمی پێکدێت.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه