فه‌رمانده‌یی ئۆپراسیۆنه هاوبه‌شه‌كانی عێراق، له به‌یاننامه‌یه‌كدا كه ئه‌مڕۆ پێنجشه‌م بڵاوی كردووه‌ته‌وه رای گه‌یاند، هه‌موو ئه‌و لایه‌نانه‌ی له پشت هێرشه‌كانن بۆ سه‌ر كێڵگه‌ی گازیی كۆرمۆر، سزا ده‌درێن.
له به‌یاننامه‌كه‌دا ئاماژه‌ی به‌وه كراوه، شه‌وی رابردوو سه‌عات 11:30 خوله‌ك هێرشێكی ترسنۆكانه كرایه سه‌ر كێڵگه‌ی گازیی كۆرمۆر له پارێزگای سلێمانی، به‌هۆیه‌وه یه‌كێك له كۆگه‌كانی ئه‌و پڕۆژه‌یه ئاگری گرت.
له به‌یاننامه‌كه‌دا ئه‌و روون كراوه‌ته‌وه كه ئه‌و هێرشه هه‌ڕه‌شه‌ی راسته‌وخۆیه دژی به‌رژه‌وه‌ندییه‌كانی خه‌ڵكی عێراق، هه‌نگاوێكی تیرۆریستی و زۆر مه‌ترسیداره كه ئامانجه‌كه‌ی له‌باربردنی هه‌موو هه‌وڵه‌كانه بۆ چه‌سپاندنی ئاشتی و ئارامی و سه‌قامگیریی ئابووریی وڵات.
فه‌رمانده‌ی ئۆپراسیۆنه هاوبه‌شه‌كانی عێراق له درێژه‌دا نووسیویه‌تی، هێرشه‌كه كاریگه‌ریی نه‌رێیی خستووه‌ته سه‌ر تۆڕی كاره‌بای هه‌رێمی كوردستان و زیانی به سه‌رچاوه‌كانی وزه‌ی عێراق گه‌یاندووه.
پێویسته بگوترێ ئه‌مه یه‌كه‌م جار نییه كه هێرش ده‌كرێته سه‌ر ئه‌و كێڵگه‌یه، له رابردووشدا چه‌ند جارێك هێرشی كراوه‌ته سه‌ر، به‌ڵام ئه‌وه‌یان گه‌وره‌تر بووه و بووه‌ته هۆكاری ئه‌وه‌ی به‌رهه‌مهێنانی كاره‌با له هه‌رێمی كوردستان به رێژه‌یه‌كی به‌رچاو دابه‌زێت و كێشه بۆ پڕۆژه‌ی رووناكی بهێنرێته كایه‌وه.
فه‌رمانده‌ی ئۆپراسیۆنه هاوبه‌شه‌كانی عێراق لەبارەی هێرشەکە پەیامێکی بڵاوکردەوە
2رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه