مەریوان قەرەنی، ئەندامی لێژنەی ئاسایش و بەرگری لە خولی پێنجەمی ئەنجوومەنی نوێنەرانی عێراق، له‌باره‌ى هێرشه تیرۆریستییه‌كه‌ى سه‌ر كێڵگه‌ى غازی كۆرمۆر له ڕاگه‌یاندراوێكدا نووسیویه‌تى: "شەوی رابردوو جارێكی دیكە كێڵگەی غازی كۆرمۆر كەوتە بەر هێرشێكی دڕندانە كە بەداخەوە زیانێكی زۆری بە كێڵگەكە گەیاند و بەهۆیەوە هەناردەكردنی غاز بۆ وێستگەكانی بەرهەمهێنانی كارەبا راگیرا و لە ئەنجامیشدا ملیۆنەها كەس لە هەرێمی كوردستان بێكارەبا مانەوە! لە خوارەوە بە كورتی و پوختی چەند خاڵێك لەبارەی هێرشەكە دەخەمە ڕوو".
ئه‌و په‌رله‌مانتاره، دووپاتی ده‌كاته‌وه كه ئەو هێرشەی كراوە، ئەگەر ئامانجێكی سیاسییشی لەپشت بێت، بە ئامانجگرتنی راستەوخۆی ژیانی خەڵكی كوردستانە، چونكە دەیانەوێ خەڵك لە تاریكیدا بژین و چاویان بە رووناكی هەڵنایەت.
مه‌ریوان قه‌ره‌نى، ده‌شڵێت: "ئەوانەی هێرشەكەیان كردووە دیارن، مانگانە مووچە لە حكوومەتی فیدراڵی وەردەگرن، چەك و پێداویستی بەو پارەیە دەكڕن كە مانگانە حكوومەتی فیدراڵی بۆ كوردستانی نانێرێت و بە میلیشیای دەدات! ئەو میلیشیایانەن كە هەر رۆژەی مەقاشی دەستی یەكێكن و بوونەتە هۆی مەترسی بۆ سەر عێراق و ئاییندەی ناوچەكە".
هه‌روه‌ك دووپاتی ده‌كاته‌وه ئەوانەشی بەرژەوەندییان لەوەدا هەیە كە غاز لەسەر خەڵك بگرنەوە بە هەمان شێوە دیارن، بە ئاشكراش هەڕەشەی لەم جۆرەیان كردووە.
مه‌ریوان قه‌ره‌نى له درێژه‌ى ڕاگه‌یاندراوه‌كه‌یدا، ده‌ڵێت: "زەرەر و زیانی ئەم هێرشانە تەنیا لەسەر هەرێمی كوردستان نییە، بەڵكوو زیانگەیاندنە لە بەرژەوەندیی ئەمریكا و وڵاتانی دیكەش، چونكە ئەو كۆمپانیایانەی لەو كێڵگانە و پرۆژەكانی پەیوەست بە بەرهەمی ئەو كێڵگانە كار دەكەن، ئەمریكی و بیانین و راستەوخۆ بەرژەوەندیی ئەوان كەوتووەتە مەترسییەوە".
هه‌روه‌ها ده‌ڵێت: "چەندین جارە حكوومەتی فیدراڵی بانگەشەی پێكهێنانی لێژنەی لێكۆڵینەوە دەكات، بەڵام نە هیچ یەكێك لەو میلیشیا و تاقمانە ئاشكرا كراون كە هێرشەكانیان كردووە، نە هیچ كەسیش سزا دراوە".
ئه‌و پێیوایه كە ئەم هێرشانە كۆتاییان نایەت و هەمیشە ئەگەری هەیە دووبارە ببنەوە، چونكە هەم هێرشكاران لە عێراقدا بە ئازادیی پیلانگێڕی دەكەن، هەم چاوساغەكانیان لە كوردستان زوو زوو حەز دەكەن پەلاماری ئەم شوێن و ئەو شوێن بدرێت، بۆیە تاكە چارەسەر ئەمەیە:
ئەمریكا و هاوپەیمانەكانی، چەكی دژەمووشەك و دژەدرۆن بۆ هەرێمی كوردستان دابین بكەن و لە ناوچەكانی ژێرخانی ئابووری و شوێنە گرنگەكانی كوردستان جێگیر بكرێت، وەك چۆن ئەو سیستەمە بۆ دۆستەكانیان دابین دەكەن، ئەوكات نە میلیشیاكان و نە بەردەستەكانیشیان ئەگەر هێرشیش بكەن، بە ئامانجیان ناگەن و ناتوانن ڕووناكیی كوردستان بكوژێننەوە.
مەریوان قەرەنی ، تاکە چارەسەر دژە درۆنە بۆ هەرێمی کوردستان دابین بکرێت
2رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه