بەیاننامەیەكی هاوبەش لەلایەن وەزارەتی كارەبا و وەزارەتی سامانەسروشتییەكانی حكوومەتی هەرێمی كوردستان بڵاو كرایەوە و دووپات دەكەنەوە كە زۆربەی كێشە تەكنیكییەكانی داناغاز چارەسەر كراوە.
لە بەیاننامەكەدا هاتووە، زۆربەی كێشە تەكنییەكانی داناغاز چارەسەر كراوە و هەر كاتێك دەست گواستنەوەی گازی سرووشتی بۆ وێستگەكانی كارەبا كرا، هاووڵاتییانی كوردستان ئاگادار دەكەینەوە.
ئەمڕۆ تیمێكی هەردوو وەزارەتی سامانە سرووشتییەكان و وەزارەتی كارەبا بە سەرپەرشتیی بریكاری وەزارەتی سامانە سروشتییەكان و وەزارەتی كارەبا و بە ئامادەبوونی بەڕێوەبەرانی گشتیی دیوانی وەزارەت و بەرهەمهێنانی كارەبا و كۆنترۆڵی كارەبای هەرێم و راوێژكاری ئابووری لەگەڵ بەرپرسانی كۆمپانیای داناغاز سەرقاڵی چارەسەركردنی كێشە تەكنیكییەكانی بەرهەمهێنان بوون، كە زۆربەیان كێشەكان بەرەو چارەسەركردن چووە، بۆ ئەوەی بە زووترین كات دەست بە پرۆسەی بەرهەمهێنانی گازی سرووشتی بكرێتەوە بۆ وێستگەكانی بەرهەمهێنانی كارەبا.
لە بەیاننامەیەكدا ئاماژەیان بۆ ئەوە كردووە كە هەر بە دەستپێكردنی بەرهەمهێنانی غاز راستەوخۆ بۆ وێستگەكانی كارەبا دەگوازرێتەوە و هاووڵاتیانی كوردستان لە هەر پێشوەچوونێكی پرۆسەكە ئاگادار دەكەینەوە
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه