باڵوێزخانەی ویلایەتە یەکگرتووەکانی ئەمریکا لە عێراق ناوەڕۆکی کۆبوونەوەی بەرپرسێکی باڵای سەربازیی وڵاتەکەی لەگەڵ بەرپرسانی هەرێمی کوردستان بڵاوکردەوە و جەختی لە پاراستنی سەقامگیریی وڵات کردەوە.
بەگوێرەی راگەیەندراوێکی باڵوێزخانەیئەمریکا، "کۆلۆنێڵ باگلی"، گەورە بەرپرسی بەرگریی ئەمریکا، لەگەڵ بەرپرسانی باڵای وەزارەتی ناوخۆ و هێزەکانی پێشمەرگەی حکوومەتی هەرێمی کوردستان کۆبووەتەوە.
لە راگەیەندراوەکەدا هاتووە، ئامانجی کۆبوونەوەکە بریتی بووە لە "بەهێزکردنی هەماهەنگییەکان دژی ئەو لایەنە زیانبەخشانەی (Malign actors) کە ئامانجیان تێکدانی سەقامگیریی عێراق و بەئامانجگرتنی ژێرخانە هەستیار و گرنگەکانی وڵاتەکەیە."
باڵوێزخانەی ئەمریکا ئاماژەی بەوەش کردووە کە ویلایەتە یەکگرتووەکان پابەند دەمێنێتەوە بە پشتیوانیکردنی هەوڵە ئەمنییەکان و بەهێزکردنی سەروەریی عێراق.
ئەم کۆبوونەوەیە لە کاتێکدایە کە ماوەیەکە هێرشەکان بۆ سەر بنکە سەربازییەکان و ژێرخانەکان لە عێراق و ناوچەکە زیادیان کردووە و ئەمریکا هەوڵ دەدات لە ڕێگەی هاوبەشە ناوخۆییەکانییەوە رێگری لەو مەترسییانە بکات.
ئەمریکا بۆ پێشمەرگە و ناوخۆ: دژی تێکدەرانی سەقامگیری هەماهەنگیتان لەگەڵ دەکەین
3رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه