ئەڵمانیا هێزەکانی لە کوردستان دەهێڵێتەوە

پەرلەمانی فیدراڵیی ئەڵمانیا (بۆندستاگ) بڕیاریدا هێزەکانی ئەو وڵاتە تاوەکو 31ی کانوونی دووەمی 2027 لە عيراق و هەرێمی کوردستان بمێننەوە

477 پەرلەمانتار لە بەرژەوەندیی درێژکردنەوەی ئەرکی هێزە ئەڵـمانییەکان دەنگیان دا و 100ـی دیکە دژی بوون. یەک پەرلەمانتاریش بێلایەن بوو.

بە گوێرەی یاسا پەسنکراوەکە، 109 ملیۆن یۆرۆ وەک خەرجیی ئەمساڵی مانەوەی سەربازانی ئەڵمانی لە عيراق و هەرێمی کوردستان تەرخان دەکرێت.

نزیکەی 500 سەربازی ئەڵمانی لە چوارچێوەی ئەرکی هاوپەیمانیی ناتۆ لە هەرێمی کوردستان و عيراق جێگیرن و ژمارەیان وەک خۆی دەمێنێتەوە، بڕیاربوو ئەرکەکەیان 31ـی ئەم مانگە کۆتایی بێت.

ئامانجی ئەو هێزانە كە لە هەولێر و بەغداد جێگیركراون، رێگریکردنە لە سەرهەڵدانەوەی داعـ.ـش و یارمەتیدانی پاراستنی ئاسایشی عيراقە.

ئەڵمانیا لە ساڵی 2014ـەوە بە بەهای زیاتر لە 3 ملیار یۆرۆ لە بواری ئەمنی و مرۆییدا یارمەتیی عيراق و هەرێمی کوردستانی داوە.