رۆژی دووشەممە ٦ـی کانوونی یەکەمی ٢٠٢١ لە سەلاحەدین سەرۆک مەسعود بارزانی پێشوازی لە ئێریک شۆڤالیێ باڵیۆزی فەرەنسا لە عێراق کرد.
لەسەرەتای دیدارەکەدا باڵیۆزی فەرەنسا لە عێراق پرسەو ھاوسۆزی خۆی و وڵاتەکەی بۆ خانەوادەو کەسوکاری ئەو پێشمەرگانە بە سەرۆک بارزانی گەیاند کە لە چەند رۆژی رابردوو لە پەلامارەکانی داعش شەھیدبوون و رایگەیاند کە جموجوڵەکانی ئەم دوایەی داعش بەڵگەیە لەسەر ئەوەی کە ھەڕەشەی داعش ھێشتا ھەر ماوە.
هەر لەو دیدارەو پەیوەست بە ھەڕەشەو جموجوڵەکانی داعش هەردوولا جەختیان لە ھەماھەنگی و کاری ھاوبەشی نێوان ھێزی پێشمەرگەی کوردستان و ھێزەکانی عێراق و ھاوپەیمانان کردەوە.
لە بەشێکی تری ئەو کۆبوونەوەیەدا بارودۆخی سیاسی عێراق لە دوای ھەڵبژاردنی ئۆکتۆبەری رابردووی ئەنجوومەنی نوێنەرانی عێراق تاوتوێ کرا و بیروڕا لە بارەی رێگەچارەکان بۆ تێپەراندنی تەحەدیاتەکان و پێکھێنانی حکومەتی تازەی عێراق ئاڵوگۆڕکران.
ھەر لەو دیدارەشدا جەخت لەسەر پەیوەندی و دۆستایەتی مێژوویی نێوان گەلی کوردستان و گەلی فەرەنسا کرایەوە.
کوردستان پڕێس
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه