تورکیا هۆشداری دایە هەسەدە ، بەنیازی هێر*شە

وەزارەتی بەرگریی توركیا پەیامێكی لەبارەی ئاگربەست لەگەڵ هەسەدە بڵاو كردەوە و تێیدا هاتووە، لەگەڵ هەسەدە نەگەیشتوونەتە رێككەوتن و تا ئێستەش مەترسی لەسەر توركیا هەیە.

لە بەیاننامەكەی توركیادا هاتووە، بۆ نەهێشتنی هەڕەشەكان، لەگەڵ گرووپە چەكدارە هاوبەشەكانیان، هێرش دەكەنە سەر ناوچەكانی ژێر دەسەڵاتی هەسەدە. 

لە بەشێكی تری بەیاننامەكەدا وەزارەتی بەرگریی توركیا دەڵێت: تا ئیدارەی نوێی سووریا پرسی هەسەدە چارەسەر نەكات، بەردەوام دەبن لە دەستوەردان لە سووریادا،  یەپەگەشی وەك درێژكراوەی پەكەكە ناو بردووە.

ئەم پەیامەی وەزارەتی بەرگریی توركیا، وەك وەڵامێكە بۆ گوتەكانی ماتیۆ میلەر گوتەبێژی دەرەوەی ئەمەریكا كە گوتبووی، چاودێری دۆخی سووریا دەكەن و لەگەڵ توركیا و هەسەدەدا لە گفتوگۆدان بۆ رێككەوتن و وەستاندنی شەڕ.