یەکەم ڕۆژی مانگی رەمەزان دیاریکرا

پەیمانگای توێژینەوە فەلەكییەكان و جیۆفیزیكی لە میسر رای گەیاند، بەپێی پێودانگ و حساباتە فەلەكییەكان كە لەلایەن پەیمانگاكەیان ئەنجام دراوە، دەسپێكی مانگی رەجەب بۆ ساڵی 1445ی كۆچی دەكەوێتە 13ی مانگی كانوونی دووەمی ساڵی نوێ " مانگی یەكی ساڵی 2024" و 29 رۆژ دەبێت مانگەكە.
بەپێی پەیمانگاكە، بەم شێوەیە كۆتایی شەعبان لە 11ی مانگی شوباتی ساڵی ئایندە دەبێت، و رەمەزانیش دەكەوێتە 11ی مانگی ئاداری 2024 " 11/3/2024".
جاد قازی، سەرۆكی پەیمانگە میسرییەكە ئاژانسی هەواڵی فەرمی وڵاتەكەی راگەیاندووە، هیلالی مانگی رەجەب سەعات 59:1 ی ئێوارە بەكاتی میسر لە رۆژی پێنجشەم كە دەكەوێتە "29ی مانگی جەمادی كۆچی" و 11/1/2024 لەدایك دەبێت.
زیاتر ئاماژەی داوە كە هەمان رۆژ هیلالی رەجەب ئاوا دەبێت و لە مەكە و قاهیرە و چەند پایتەخت و شارێكی تری ئیسلامیش دەتوانرێ بە چاوی سەر ببینرێ.
جاد قازی زیاتر گوتی، مانگ سێ خوولەك پێش خۆرئاوابوون دیار نامێنێت لە شاری مەكە و حەوت خوولەكیش پێش خۆرئاوابوون لە قاهیرە مانگیش ئاوا دەبێت و دیار نامێنێت.