نرخی زێڕ لە مامەڵە جیهانییەکاندا بۆ دووەم ڕۆژ لەسەریەک دابەزینی تۆمار کرد، هۆکارەکەشی بۆ گوشاری بەرزبوونەوەی بەهای دۆلار و دابەزینی پشکەکانی تەکنەلۆجیا دەگەڕێتەوە.
ئەمڕۆ هەینی شەشی شوباتی 2026، نرخی زێڕ لە بازاڕی خێرا (Spot) بە ڕێژەی 0.7% دابەزی و هەر ئۆنسەیەک بە 4735.99 دۆلار مامەڵەی پێوە کرا. ئەم دابەزینە دوای ئەوە دێت کە دوێنێ پێنجشەم، کانزاکە دابەزینێکی توندی بەخۆیەوە بینی و نزیکەی چوار لە سەتی بەهاکەی لەدەست دا.
بەپێی داتاکانی ئاژانسی "رۆیتەرز"، گرێبەستە دواخراوەکانی زێڕی ئەمەریکا بۆ مانگی نیسان، بە ڕێژەی 2.8% دابەزین و گەیشتنە 4752.40 دۆلار.
لەلایەکی ترەوە زیو زیانی گەورەی بەرکەوتووە و لە مامەڵەکاندا 3.2% دابەزیوە بۆ 68.97 دۆلار، دوای ئەوەی لە دانیشتنی پێشوودا دابەزینێکی پێوانەیی بە ڕێژەی 19.1% تۆمار کردبوو.
وەڵام بدەوه