وەزارەتی دارایی هەرێمی کوردستان سیستەمی "پەیڕۆڵ"ـی بۆ ئامادەکردنی لیستی مووچەی مانگی دووی کارا کرد و بڕیارە ڕۆژی 20ـی مانگ ڕەوانەی بەغدای بکات.
سیستەمی پەیڕۆڵ بۆ ئامادەکردنی لیستی مووچەی مانگی دوو کارا کرا، لیستی مووچەی لێ تۆمار کرا و پەسەند کرا. ئێستا تەنیا وردبینیکردن لە لیستی مووچەی مانگی دوو ماوە لەلایەن خەزێنەکانی وەزارەتی دارایی و ئابووریی کوردستان، بۆ ئەوەی هەر کەموکوڕییەکی هەبێت چاک بکرێت.
یادگار جەبار، بەڕێوەبەری بایۆمەتریی سلێمانی ڕاگەیاند: لە هەوڵداین کۆتایی ئەم هەفتەیە لیستی مووچە بەتەواوی کۆتایی پێ بهێنین.
٠ بەرپرسانی وەزارەتی دارایی کوردستان دەڵێن: بەنیازین ڕۆژی 20-02-2026 لیستی مووچەی مانگی دوو بۆ وەزارەتی دارایی عێراق بنێرین تاوەکو پڕۆسەی خەرجکردنی پارە دوانەکەوێت.
سیستەمی "پەیڕۆڵ" و "بایۆمەتری" دوو کۆڵەکەی سەرەکیی ڕێککەوتنی دارایی نێوان هەولێر و بەغدان. دوای بڕیارەکانی دادگای فیدراڵیی عێراق لە سەرەتای ساڵی 2024، حکومەتی هەرێمی کوردستان ناچار بوو سیستەمێکی دیجیتاڵیی یەکگرتوو بۆ مووچەخۆران دابڕێژێت کە تێیدا سەرجەم داتاکان بە وردی تۆمار کراون.
وەڵام بدەوه