مووچەخۆران ئاگاداردەکرێنەوە

بەشێكی كەسوكاری شەهیدان ئاگادار دەكرێنەوە كارتی (هەژماری من)یان دەرچووە و وەری بگرنەوە چونكە مووچەی مانگی پێنجی پێ وەردەگیرێت.
غەیدان حەسەن، بەرپرسی راگەیاندن و پەیوەندییەکانی بەڕێوەبەرایەتیی گشتیی کاروباری شەهیدان و ئەنفالکراوانی هەڵەبجە راگەیاند: "ئاگاداری ئەو کەسوکاری سەربەرزی شەهیدانە دەکەین کە لە لیستەكان ناویان هەیە، کارتی بانکی (هەژماری من)یان بۆ هاتووەتەوە و دەبێت وەری بگرنەوە."
ئاماژەی بەوەش داوە:" ئەوانەی نامەیان بۆ چووە یان لە لیستەكان ناویان هەیە، تکایە سەردانی بانكی هەڵەبجە بکەن بۆ وەرگرتنەوەی کارتەکانیان ، تاوەکو لە کاتی وەرگرتنی مووچەی مانگی پێنج کێشەیان بۆ دروست نەبێت ، چونكە مووچەیان لە رێگەی ئامێرەكانی راكێشانی پارە وەردەگیرێت."
تاوەكوو ئێستا لە هەرێمی كوردستان نزیكی 20 هەزار كەسوكاری شەهیدان و ئەنفالكراوان مووچەیان لەرێگەی (هەژماری من) وەردەگرن و مانگانەش ژمارەكە زیاتر دەبێت.
 زیاتر لە 762هەزار مووچەخۆری مەدەنی، خانەنشین، پێشمەرگە و ئاسایش و خانەوادەی شەهیدان، مووچەی مانگی چواریان، بەشێوەی دیجیتاڵی لە ڕێگەی پڕۆژەی (هەژماری من) وەرگرت,