مووچەخۆران ئاگاداردەکرێنەوە

فریاد فاخیر، بەڕێوەبەری بانکی سەروەران ڕاگەیاند: "ئاگاداریی مووچەخۆرانی بانكی بێخاڵ دەكەینەوە بەهۆی گواستنەوەی بانكی بێخاڵ بۆ بانكی سەروەران و یەكخستنیان لە دابەشكردنی مووچەی مانگی  پێنج، سەردانی ئەم شوێنانە بكەن كە بۆیان دیاری كراوە بۆ وەرگرتنی مووچەكانیان."
گوتیشی: "مووچەخۆرانی خانەنشینی شارستانی و زیندانیانی سیاسی، بانكی بێخاڵ سەردانی بانكی سەروەران بكەن، مووچەخۆرانی خاوەن پێداویستی تایبەت)ـی بانكی بێخاڵ سەردانی نووسینگەی كورانی بانكی سەروەران بكەن بۆ وەرگرتنی مووچەكانیان، مووچەخۆرانی كەسوكاری سەربەرزی شەهیدان و خانەنشینی سەربازی (ئەیلوول) بانكی بێخاڵ سەردانی بانكی زاگرۆس بكەن بۆ وەرگرتنی مووچەكانیان."
لای خۆیەوە بەرێوەبەرایەتیی گشتیی كاروباری شەهیدان و ئەنفاكراوانی هەولێر، بڵاوی كردەوە: "کەسوکاری سەربەرزی شەهیدان ئاگادار دەکەینەوە بۆ مووچەی مانگی پێنج، ئەوانەی مووچەکانیان لە بانکی بێخاڵ بوو، گواستراوەتەوە بۆ بانکی زاگرۆس، ئەوانەیشی مووچەکانیان لە بانکی حەمرینە گواستراوەتەوە بۆ بانکی بنەسڵاوە."
لای خۆشیەوە ئارەزوو ئەحمەد، بەرێوەبەری بانكی بنەسڵاوە،  راگەیاند: "هاوشێوەی مانگی چوار، بۆ مووچەی مانگی پێنجیش مووچەخۆرانی بانكی حەمرین بە خانەنشین و كەسوكاری شەهیدان و توێژەكانی دیكەش مووچەیان لە بانكی بنەسڵاوە دەدرێت."