نرخی مریشکی زیندوو دابەزی

بەردەوام نرخی مریشك هەرزان دەبێت و ئەمەیش وایكردووە، ئەمڕۆ نرخەكەی بگاتە خوارووی دوو هەزار و 500 دینار كە ئەمەیش كەمترین نرخی ئەمساڵە.
ئەمڕۆ شەممە 27ـی حوزەیران، زانا عەبدولكەریم ئەندامی كۆمەڵەی كێڵگە پەلەوەرییەكان، راگەیاند، ماوەی 25 رۆژە بەردەوام ئالیك بەرەو هەرزانبوونە و ئەمەیش كاریگەریی لەسەر نرخی مریشك داناوە.
زیاتر گوتی، نرخی كیلۆیەك مریشكی زیندوو بۆ خوارووی دوو هەزار و 500 دینار دابەزیوە، پێشبینی دەكەین نرخەكەی زیاتر ڕوو لە دابەزین بكات، هەروەها ئەمڕۆ لە هەندێك شوێن بە دوو هەزار و 200 دینار فرۆشراوە.
باسی لەوەش كرد، ئەو نرخەی ئەمڕۆ نزمترین نرخی ئەمساڵە كە تا ئێستە تۆمار كرابێت، پێش جەژن هەموومان دەزانین نزیك بوو لە چوار هەزار دینار، بەڵام ئێستە بەرەو هەرزانبوونە.
هەرێمی كوردستان لە بەرهەمهێنانی مریشك ئاستی خۆبژوێی تێپەڕاندووە، ساڵانە سەتان تۆن لە بەرهەمەكەی بۆ شارەكانی عێراق هەناردە دەكات.