گۆڕانکاری لە کاتی دابەشکردنی مووچەدا کرا

دەستپێکردنی دابەشکردنی مووچەی ئەیلوول لە ڕێگەی "هەژماری من"ـەوە
​سبەی یەکشەممە دەست بە دابەشکردنی مووچەی مانگی ئەیلوولی فەرمانبەرانی هەرێمی کوردستان دەکرێت و زیاتر لە ملیۆنێک مووچەخۆر لە ڕێگەی پرۆژەی "هەژماری من"ـەوە مووچەکانیان وەردەگرن.
​وردەکاری و ڕێنماییە گرنگەکان بۆ مووچەخۆران:
​کاتی وەرگرتنی مووچە: دابەشکردنی مووچە لە دوای سەعات 12ی نیوەڕۆی سبەی دەستپێدەکات و پێویستە فەرمانبەران پێش ئەو سەعاتە و پێش هاتنی نامەی گەیشتنی پارە، لە سەعات 8ی بەیانییەوە سەردانی ئامێرەکانی ڕاکێشانی پارە نەکەن.
​بەردەستبوونی ئامێرەکان: بۆ ئاسانکاری و ڕێگریکردن لە قەرەباڵغی، زیاتر لە 710 ئامێری (ATM) بۆ ئەم مانگە بەردەست خراون و ئەو بانکانەی پێشتر ئامێری کەمتر هەبوو، ژمارەکەیان زیاد کراوە.
​رێژەی تۆمارکردن: ڕێژەی پڕکردنەوەی فۆرم بۆ خۆتۆمارکردن لە پرۆژەکەدا لە 100% نزیک بووەتەوە و تەنها کەمتر لە 10 هەزار هاووڵاتی ماون کە مامەڵەکانیان تەواو بکەن.
​پلانەکانی داهاتوو: بەڕێوەچوونی کارەکان بەردەوامە بۆ ئەوەی تا کۆتایی ساڵ سەرجەم مووچەخۆران ببنە خاوەن کارتی خۆیان و مووچەکانیان لە رێگەی "هەژماری من"ـەوە وەربگرن.
‏​#Kurdistanpress