لەمەودوا عێراق و تورکیا لە بری دۆلار، دینار و لیرە بۆبازرگانی نێوانیان بەکاردەهێنن
مەزهەر محهمهد ساڵح، راوێژکاری سەرۆک وەزیرانی عێراقی فیدڕاڵی بۆ کاروباری دارایی راگهیاند: " تورکیا یەکێکە لەو سێ هاوبەشە بازرگانییە سەرەکییەی کە عێراق لە بازاڕەکانیەوە کاڵا و خزمەتگوزاری هاوردە دەکات، هەروەها قەبارەی هاوردەکردن و رێژهی ساڵانە دەگاتە 14 ملیار دۆلار.
راشیگەیاند: "پێشتر رێکخستنی پارەدارکردنی بازرگانی دەرەکی و یەکلاکردنەوەی نێوان هەردوو وڵات زیاتر لە رێگەی بازاڕەکانی ئاڵوگۆڕی هاوتەریبەوە ئەنجام دراوە، ئەوەش وای کردووە دۆلار گران بێت، ئەم بابەتەش کاردانەوەی نەرێنی هەبووە لەسەر دراو و بازاڕ."
ئەو راوێژکارەی سەرۆکوەزیرانی عێراق ئاشکرای کرد بۆ کەمکردنەوەی پشتبەستن بە دۆلار، هەنگاوی یەکەم لە رێکخستنی پەیوەندی نێوان بازاڕە ئاساییەکانی هەردوو وڵاتی دراوسێ دهستی پێكردووه ئەویش بهكارهێنانی دراوەکانی هەردوو وڵات (دینار و لیرە)ـیه بە میکانزمی تۆکمە دهستی پێکردەوە و کەمتر دۆلار بەکار دێت.
وەڵام بدەوه