بەشێک لەمیلیشیایانەی لە پشت پەردەوە حوکمی عێراق دەکەن نە بروایان بە سیستەمی حوکمڕانی فیدڕاڵیە و بڕوایان بە دیموکراسی و حوکمی گەلە.
بەشێک لە میلیشیا دژە یاساو دەستورە هەڵقە لە گوێکانی ئێستای عێراق هەرچەندە دوای رووخانی بەعس دەرکەوتون و دروست کراوی دەستی دەرەکین، لێ پەروەردە کراوی هەمان کولتوری بەعس و تاکڕەوی و نەفەسی تێکدان و کاولکارین.
هێرشە درۆنیە بەردەوامەکان بۆ سەر هەرێمی کوردستان بە بیانوی جۆراوجۆر، پاساوێکی نەزۆک و کرچ و کاڵی ئەم هێزو میلیشیا دەمامکدارانەی ئێستای گۆڕەپانی سیاسیە لە عێراقدا، کەوا حیساب بۆ هیچ یاساو رێساو بەرژەوەندیەکی نیشتیمانیەوە ناکەن.
وەک تێبینی دەکرێ حکومەتی ئێستای عێراق لە ئاست دانانی سنوورێک بۆ ئەم میلیشیایانە دەستەوەستانە و جگە لە دەرکردنی چەند بەیاننامەیەکی رووت و کرچ و کاڵ و شەرمنانەوە، هیچ دەسەڵاتێکی بەسەر میلیشیاکاندا ناشکێت و پەڕوباڵی کراوە.
وەڵام بدەوه