چەند سەرچاوەیەكی ئاگادار لە حكوومەتی عێراق ئاشكرایان كردووە، كۆشكی سپی نامەیەكی لەبارەی تێوەگلانی عێراق لە شەڕ و ئەگەرەكانی هێرشی ئیسرائیل بۆ سەر بەغدا، ئاراستەی بەرپرسانی حكوومەتی فیدراڵی كردووە.
ئەمڕۆ یەكشەم 24ـی تشرینی دووەم، میدیاكانی عێراق ئاشكرایان كردووە، كۆشكی سپی نامەیەكی لەبارەی تێوەگلانی عێراق لە شەڕ و ئەگەرەكانی هێرشی ئیسرائیل بۆ سەر بەغدا، ئاراستەی بەرپرسانی حكوومەتی فیدراڵی كردووە.
باس لەوەش كراوە، كۆشكی سپی لە نامەكەیدا تێگەیشتنی خۆی بۆ هەوڵەكانی حكوومەتی عێراق لەبارەی دوورخستنەوەی وڵات لە شەڕ دەربڕیوە، هەروەها گرووپە چەكدارەكانیش یەكێك بوون لە تەوەرەكانی نامەكەی كۆشكی سپی بۆ دەسەڵاتدارانی عێراق.
لە نامەكەدا هاتووە، هێرشی ئیسرائیل بۆ سەر گرووپە چەكدارەكانی عێراق ئەگەری هەیە بەرژەوەندییەكانی ئەمەریكاش لە ناوچەكە ڕووبەڕووی مەترسی بكاتەوە.
ڕۆژی 19ی تشرینی دووەم محەمەد شیاع سوودانی سەرۆك وەزیرانی عێراق، سەرپەرشتی كۆبوونەوەیەكی بەپەلەی ئەنجوومەنی وەزارەتی بۆ ئاسایشیی نیشتمانی كرد، تێیدا ڕەتی ئەو سكاڵایەی كردەوە كە ئیسرائیل لە دژی عێراق ئاراستەی ئەنجوومەنی ئاسایشی نێودەوڵەتی كردووە.
وەڵام بدەوه