تۆمەتبارێک لە فڕۆکەخانە ڕایکرد

سەرچاوەیەكی ئاسایش لە فڕۆكەخانەی نێودەوڵەتیی نەجەف رای گەیاند، گەشتیارێكی ئێرانی دوای ئەوەی لە بنكەی راگیران لە فڕۆكەخانە جیا كرابووەوە بەهۆی ئەوەی داواكراو بوو، توانی هەڵبێت و تا ئێستەیش نەگیراوەتەوە. 

ئەمڕۆ یەكشەم یەكی كانوونی یەكەم، سەرچاوەیەكی ئاسایش لە فڕۆكەخانەی نێودەوڵەتیی نەجەف بە میدیایەكی عێراقی راگەیاندووە، گەشتیارێكی ئێرانی كە ناوی لە لیستی داواكراوان بوونی هەبووە لەلایەن بنكەی لێكۆڵینەوەی فڕۆكەخانەوە راگیراوە. 

سەرچاوەكە باسی لەوەیش كردووە، دوای ئەوە گەشتیارە ئێرانییەكە لە بنكەی راگیراوانی فڕۆكەخانە راگیرابوو تا ئامادە بكرێت بەو فڕۆكەیە رەوانەی ئێران بكرێتەوە، توانیویەتی لە رێگەی یەكێك لە دەرگەكانی چوونە دەرەوە لە فڕۆكەخانە هەڵبێت، ئەمەیش بەهۆی لاوازیی رێوشوێنی پاراستن و ئاسایش لە فڕۆكەخانەكە. 

بەپێی قسەی سەرچاوەكە لە ئێستەدا هێزەكانی پۆلیس و ئاسایش بەدوای ناوبراون بۆ دووبارە گرتنەوەی