ڕاپۆرتێكی نەتەوە یەكگرتووەكان هۆشداریی داوە لە وشكەساڵی لە سەرانسەری دنیادا، عێراقیش یەكێكە لەو وڵاتانەی بەهۆی كەمی ڕێژەی باران و كەمی ئاو لە چەند ساڵی داهاتوو عێراق ڕووبەڕووی گەورەی وشكەساڵی دەبێتەوە.
ڕاپۆرتەكە ئاماژەی بەوەش داوە كە مەترسییەكانی وشكەساڵی بەرۆكی جیهانی گرتووە، بەهۆی گۆڕانی كەشوهەواوە ڕێژەی بە بیابانبوون گەیشتووەتە 75% لە دنیادا و عێراق لە ڕیزبەندییەكە لە پێنجەمین وڵاتە.
وەلید موسەوی بەڕێوەبەری بەشی ژینگەی پارێزگای بەسرە ڕای گەیاند، گۆڕانی كەشوهەوا دیاردەیەكی جیهانییە و عێراق تا ئاستێكی زۆر كاریگەریی وشكەساڵی پێوە دیارە.
وەلید موسەوی داوای كرد، ڕێوشوێنی پێویست بگیرێتەبەر بۆ كەمكردنەوەی دیاردەی وشكەساڵی و بە بیابانیبوون و دابەزینی ڕێژەی سەوزایی.
هەروەها لە ساڵی 2023ش دا بەهۆی وشكەساڵییەوە عێراق نەیتوانی خواستی بازاڕی خەڵك دابین بكات، ڕێژەی دانەوێڵە كشتوكاڵییەكانی وەك سەوزە و پاقلەمەنییەكان بە ڕێژەیەكی بەرچاو دابەزی.
جیا لە هۆكاری گۆڕانی كەشوهەوا، عێراق لە ماوەی دوو دەیەی ڕابردوو كە لەناو جەنگ بوو، هێشتا كاریگەرییەكانی جەنگ بەسەر عێراقەوە دیارە و توانای ڕووبەڕووبوونەوەی كێشەی ئێستە و داهاتووی گۆڕانی كەشوهەوای زۆر لاوازە، سەڕەڕای كەم ئاوی هێشتا 70%ی جووتیارانی عێراق پشت بە ئاودێری دەبەستن.
وەڵام بدەوه