شارەزایەكی سیاسیی عێراق : چۆڵكردنی باڵوێزخانەی ئەمریكا لە بەغدا ،  سەرەتایی قۆناغێكە بۆ گۆڕانكاریی ڕیشەیی

د. ئیحسان شەمەری، مامۆستای لێكۆڵینەوەی ستراتیجی و نێودەوڵەتی لە زانكۆی بەغدا و سەرۆكی ناوەندی بیركردنەوەی سیاسیی عێراقی، دەڵی: چۆڵكردنی باڵوێزخانەی ئەمریكا لە بەغدا، پێشهاتێكی زۆر مەترسیدارە.
ناوبراو لە تۆڕی كۆمەڵایەتیی (ئێكس) گوتویەتی: چۆڵكردنی باڵوێزخانەی ئەمریكا لە بەغدای پایتەختی عێراق، پێشهاتێكی مەترسیدارە و سەرەتای قۆناغێكە بۆ گۆڕانكاریی ڕیشەیی.
ئەم لێدوانە لە كاتێكدایە كە ئاژانسی هەواڵیی (ڕۆیتەرز) بڵاوی کردووەتەوە: باڵوێزخانەی ئەمەریکا لە بەغدا، بەهۆی زیادبوونی مەترسییە ئەمنییەکان، ئامادەکاری بۆ چۆڵکردن دەکات.
ئەمە لە کاتێکدایە کە دانوستانەکانی ئەمریکا و ئێران بەرەو چارەنووسێکی نادیار دەڕوات و عەزیز ناسرزادە، وەزیری بەرگریی ئێران ڕایگەیاندووە: گەر دانوستانەکان شکست بهێنن، تاران بنکەکانی ئەمریکا لە ناوچەکەدا بەئامانج دەگرێ.