هۆشداری دەدرێت.. ئەگەر هەیە ئەمریكا وەزارەتی نەوتی عێراق سزا بدات.. له كۆمێنته
لێژنه‌ی نه‌وت و غاز و سامانه سروشتییه‌كانی په‌رله‌مانی عێراق ڕایده‌گه‌یه‌نێ كه میوانداریی وه‌زیری نه‌وت و ژماره‌یه‌ك له به‌رپرسانی وه‌زاره‌ته‌كه بۆ تاوتوێكردنی چه‌ند دۆسییه‌یه‌ك ده‌كه‌ن.
عه‌لی شه‌داد، وته‌بێژی لێژنه‌ی نه‌وت و غازی په‌رله‌مانی عێراق ڕایگه‌یاند، ئه‌مڕۆ دووشه‌ممه 14ی ته‌مموزی 2025، لێژنه‌كه‌مان میوانداریی وه‌زیری نه‌وت و به‌ڕێوه‌به‌ری گشتیی كۆمپانیای به بازاڕكردنی نه‌وت (سۆمۆ) و به‌ڕێوه‌به‌ری گشتیی كۆمپانیای گواستنه‌وه‌ی نه‌وت ده‌كات و له كۆبوونه‌وه‌كه تیشك ده‌خرێته سه‌ر داڕمانی پێكهاته‌ی ناو وه‌زاره‌تی نه‌وت كه قسه هه‌یه ده‌ستی ده‌ره‌كی له‌بابه‌ته‌كه‌دا هه‌بێ، له‌نێویاندا كه‌سێك هه‌یه به‌ناوی ئومید كۆنترۆڵی جومگه هه‌ستیاره‌كانیان له‌نێو وه‌زاره‌ته‌كه‌دا كردووه.
ڕاشیگه‌یاند، مه‌ترسیی سه‌پاندنی سزاكانی ئه‌مریكا بۆ سه‌ر وه‌زاره‌تی نه‌وتی عێراق هه‌یه، ئه‌وه‌یان به‌هۆی خراپ ئیداره‌داندا سه‌رچاوه‌ی گرتووه كه ئه‌وه‌ش پێشێلكاریی پابه‌ندیه نێوده‌وڵه‌تییه‌كانه، بۆیه ه‌ئو هه‌نگاوه وا ده‌كات كه ئابووریی عێراق تووشی ئیفلیجی بكات و داهاتی عێراق هه‌ره‌س بهینێت.
وه‌زاره‌تی گه‌نجینه‌ی ئه‌مریكا له ماوه‌كانی ڕابردوودا سزای به‌سه‌ر ئه‌و لایه‌نانه‌دا سه‌پاند كه تێوه‌گلاون له قاچاقچێتی نه‌وت، كه داهاتی ئه‌و نه‌وته‌ش بۆ گرووپه چه‌كداره‌كان له ناوچه‌كه چووه، راپۆرته نێوده‌وڵه‌تییه‌كان هۆشدارییان داوه‌ته داموده‌زگا عێراقیه‌كان كه ڕووبه‌ڕووی لێپێچینه‌وه ده‌بنه‌وه له‌لایه‌ن وه‌زاره‌تی گه‌نجینه‌ی ئه‌مریكا له‌سه‌ر به‌قاچاخبردنی نه‌وت.
بودجه‌ی عێراق به شێوه‌یه‌كی گشتی پشتی به داهاتی نه‌وت به‌ستووه، له كاتێكدا سه‌پاندنی هه‌ر سزایه‌ك به‌سه‌ر عێراقدا، ده‌بێته هه‌ڕه‌شه‌ی ڕاسته‌وخۆ بۆ سه‌ر سه‌قامگیری و ئابووریی عێراق.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه