وەزارەتی دەرەوەی ئەمریکا دەڵێت، کشانەوەی هێزەکانیان لە عێراق "هەنگاوێکی سرووشتییە" و بە رێککەوتنە لەگەڵ بەغدا.
وەزارەتی دەرەوەی ئەمریکا لەبارەی کشانەوەی هێزەکانیان لە عێراق، وتی: "بەپێی بەیاننامە هاوبەشەکەی مانگی ئەیلوولی رابردوو کە وادەی کەمکردنەوەی ئەرکی سەربازیی هاوپەیمانیی نێودەوڵەتی لە عێراق راگەیاند، هاوپەیمانیی نێودەوڵەتی ئێستا بەپێی ئەو خشتەیەی لەسەری رێککەوتووین بەردەوامە لە کۆتاییهێنان بە ئۆپەراسیۆنە سەربازییەکانی لە عێراق."
دەشڵێت، وەک لە بەیاننامە هاوبەشەکەدا ئاماژەی پێدراوە، کۆتاییهێنان بە ئەرکی سەربازیی هێزەکانیان لە چوارچێوەی هاوپەیمانیی نێودەوڵەتی "هەنگاوێکی سرووشتییە چونکە ئەرکی هاوپەیمانان لە عێراق بۆ پەیوەندییەکی ئاسایشی دوولایەنەی نەریتی دەگۆڕێت."
وەڵام بدەوه