مارك ساڤایا، نوێنه‌رى تایبه‌تى دۆناڵد ترامپ، سه‌رۆكى ئه‌مریكا بۆ عێراق، له یه‌كه‌م لێدوانى فه‌رمى خۆیدا له دواى وه‌رگرتنى ئه‌و ئه‌ركه‌ى پێی ڕاسپێردراوه، راِیگه‌یاند: "حکوومەتی ویلایەتە یەکگرتووەکانی ئەمریکا ڕوونی کردەوە کە جێگە بۆ ئەو گروپە چەکدارانە نییە کە لە دەرەوەی دەسەڵاتی دەوڵەت کار دەکەن. سەقامگیری و گەشەسەندنی عێراق پشت دەبەستێت بە بوونی هێزێکی ئەمنی یەکگرتوو لەژێر فەرماندەیی حکوومەتێکی یەکگرتوو و فەرماندەی گشتیی هێزە چەکدارەکان، بەبێ ئەم یەکگرتووییە، سەروەری و پێشکەوتنی عێراق لە مەترسیدا دەمێنتتەوە".
دووپاتی كردووه‌ته‌وه كه بەرژەوەندییەکانی گەلی عێراق و ناوچە فراوانەکە پشت دەبەستێت بە عێراقێکی خاوەن سەروەری تەواو، بەدوور لە دەستوەردانی خراپەکاری دەرەکی، لەوانە لە ئێران و نوێنەرەکانی، و پابەندبێت بە خزمەتکردنی هاوڵاتییانی و پێکەوەژیان لەگەڵ دراوسێکانی. لەم چوارچێوەیەدا، یەکگرتوویی و هاوکاری لە نێوان دەسەڵاتە فیدراڵی و هەرێمییەکانی عێراقدا پێویستە بۆ دڵنیابوون لە ئاسایشی بەردەوام و گەشەی ئابووری و تەبایی نەتەوەیی".
مارك ساڤایا له ڕاگه‌یاندراوه‌كه‌یدا هه‌روه‌ها نووسیویه‌تى: "عێراق وڵاتێکی سەرەکییە لە ناوچەکەدا و دەبێت ڕۆڵی سروشتی خۆی بگێڕێت لە بەهێزکردنی ئاشتی و ئاسایش و سەقامگیری ناوچەییدا. نابێت عێراق بگەڕێتەوە بۆ ڕابردوو یان ڕێبازێک بگرێتەبەر کە ڕێگری لە پێشکەوتن و یەکگرتوویی بکات".
ڕوونی ده‌كاته‌وه كه ئەرکی ئه‌و بە نوێنەرایەتی سەرۆک ترامپ، ئەوەیە کە: "لەگەڵ عێراقدا بەشداربم و پشتگیری لە هەوڵە بەردەوامەکانی بکەم بۆ بەدیهێنانی سەقامگیری و سەروەری و گەشەسەندن، عێراق هێشتا بایەخێکی زۆری هەیە بۆ ناوچەکە و ویلایەتە یەکگرتووەکانى ئه‌مریكاش. من پابەندم بە زیاتر بەهێزکردنی ئەم پەیوەندییە کاتێک ئەم ئه‌ركه وەردەگرم وەک نێردراو".
وەڵام بدەوه