نێردەی تایبەتی سەرۆکی ئەمەریکا بۆ کاروباری عێراق لە پەیامێکدا بە بۆنەی بەڕێوەچوونی هەڵبژاردنی ئەنجومەنی نوێنەرانی عێراق جەختی لە پابەندبوونی وڵاتەکەی بە پشتگیریکردن لە سەروەریی عێراق و هەوڵەکانی چاکسازی و کۆتاییهێنان بە دەستوەردانی دەرەکی و میلیشیا چەکدارەکان کردەوە.
ڕۆژی پێنجشەممە 13ی تشرینی دووه‌می 2025 مارک ساڤایا، نێرده‌ی تایبه‌تی ویلایه‌ته یه‌کگرتووه‌کانی ئه‌مه‌ریکا بۆ کۆماری عێراق، په‌یامێکی فه‌رمیی ئاراسته‌ی گه‌لی عێراق کرد و پیرۆزبایی ته‌واوبوونی سه‌رکه‌وتووانه‌ی هه‌ڵبژاردنه په‌رله‌مانییه‌کانی ئه‌م دواییه‌ی لێ کردن. ساڤایا ئه‌م هه‌نگاوه‌ی به "چاره‌نووساز" وه‌سف کرد بۆ به‌ره‌و پێشبردنی دیموکراسی و سه‌قامگیری له وڵاتدا.
ساڤایا له په‌یامه‌که‌یدا کە بە زمانی کوردییش بڵاوی کردووەتەوە ئاماژه‌ی به‌وه دا که گه‌لی عێراق جارێکی دیکه پاپه‌ندبوونی خۆی به ئازادی، سه‌روه‌ریی یاسا و دامه‌زراوه نیشتمانییەکان نیشان داوه. هه‌روه‌ها ده‌ستخۆشیی له سه‌رۆک وه‌زیران سوودانی و حکومه‌ته‌که‌ی کرد بۆ دڵنیابوون له‌وه‌ی هه‌ڵبژاردنه گرنگه‌کان له کاتی خۆیدا و به ئاسانی به‌ڕێوه‌چوون. به قسه‌ی سه‌ڤایا، ئه‌مه "نیشانه‌یه‌کی روونه" بۆ ئه‌وه‌ی عێراق به‌ره‌و خۆشگوزه‌رانی و سه‌روه‌ریی زیاتر هه‌نگاو ده‌نێت.
سه‌باره‌ت به ڕۆڵی ئه‌مه‌ریکا، نێرده تایبه‌ته‌که جه‌ختی کرده‌وه که وڵاته‌که‌ی به قووڵی پاپه‌نده به پشتگیریکردنی سه‌روه‌ریی عێراق و هه‌وڵه‌کانی چاکسازی. هه‌روه‌ها پشتگیریی کۆتاییهێنان به ده‌ستوه‌ردانی ده‌ره‌کی و میلیشیا چه‌کداره‌کان ده‌کات.
له کۆتاییدا، مارک ساڤایا رایگه‌یاند "به خۆشحاڵییه‌وه" چاوه‌ڕێی کارکردنه له‌گه‌ڵ حکوومه‌تی داهاتووی عێراق بۆ قووڵکردنه‌وه‌ی هاوبه‌شیی ستراتیژی له بواره‌کانی ئاسایش، گه‌شه‌پێدان و هه‌روه‌ها هاوکاریکردن بۆ بنیاتنانی داهاتوویه‌کی سه‌قامگیر و خۆشگوزه‌ران بۆ هه‌موو گه‌لی عێراق
نێردەی ئەمریکا لە عێراق : پشتگیری لە سه‌قامگیری و سه‌روه‌ریی عێراق و کۆتاییهێنانی میلیشیا چەکدارەکان دەکەین
ئەمرۆ |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه