وتەبێژی سوودانی: ئەنجامی لێکۆڵینەوەکان لە هێرشەکەی سەر کۆرمۆر لە 72 کاتژمێری داهاتوو ڕادەگەیەندرێت
دوای ئەوەی محەمەد شیاع سوودانی، سەرۆکی ئەنجومەنی وەزیرانی عێراق و فەرماندەی گشتیی هێزە چەکدارەکان لێدیژنەیەکی لێکۆڵینەوەی بە سەرۆکایەتی عەبدول ئەمیر شەممەری، وەزیری ناوخۆی عێراق و ڕێبەر ئەحمەد، وەزیری ناوخۆی هەرێمی کوردستان و حەمید شەتڕی، سەرۆکی دەزگای هەواڵگری پێکهێنا بۆ لێکۆڵینەوە لە هێرشەکەی سەر کێڵگەی غازی کۆرمۆر، ئەمڕۆ لیژنەکە سەردانی کێڵگەکەیان کرد.
هاوکات، سەباح نوعمان، وتەبێژی فەرماندەی هێزە چەکدارەکانی عێراق ڕایگەیاند: «ئەنجامی لێکۆڵینەوەکان لە هێرشەکەی سەر کۆرمۆر لە 72 کاتژمێری داهاتوو ڕادەگەیەندرێت».
شەوی چوارشه‌ممه له‌سه‌ر پێنجشه‌ممه‌ى ڕابردوو، كێڵگەی غازی كۆرمۆر بە درۆن هێرشی كرایە سەر و بەهۆیەوە هەناردەكردنی غاز بۆ وێستگەكانی بەرهەمهێنانی كارەبا راگیرا و لە ئەنجامدا لە ناوچەیەكی فراوانی هەرێمی كوردستان كارەبا بڕا.
وەڵام بدەوه